လွတ်မြောက်လာပြီလို့သတင်းတွေထွက်လာပေမယ့် လွတ်မြောက်မလာသေးတဲ့ ပိုင်တံခွန်နဲ့အိန္ဒြာကျော်ဇင်

ဒီနေ့မနက်မှာ ပြည်သူချစ်မင်းသားမင်းသမီးတွေဖြစ်ကြတဲ့သရုပ်ဆောင် ပိုင်တံခွန်နှင့်အိန္ဒြာကျော်ဇင်တို့လွတ်မြောက်လာကြပြီဆိုတဲ့ သတင်းတွေ အများကြီးထွက်ရှိလာခဲ့ပါတယ်။

လွတ်မြောက်လာပြီဆိုတဲ့ သတင်းတွေ ထွက်လာလာချင်းမှာပဲ ပရိသတ်တွေအများအပြားဟာလည်း ဝမ်းမြောက်ပျော်ရွှင်ခဲ့ကြပါတယ်။ ဒါပေမယ့် စိတ်မကောင်းစွာနဲ့ပဲ နာမည်ကျော်သရုပ်ဆောင်နှစ်ဦးဟာ ပြန်လည်လွတ်မြောက်လာခြင်းမရှိသေးဘူးလို့ မိသားစုဝင်တွေရဲ့ အတည်ပြုချက်အရ သိရှိရပါတယ်။

နာမည်ကျော်အနုပညာရှင်တွေ ဖမ်းဆီးခံထားရတာ အခုဆိုရင် တစ်နှစ်နီးပါး ပြည့်တော့မှာဖြစ်ပြီး ပြန်လည်လွတ်မြောက်လာပြီဆိုတဲ့ သတင်းတွေလည်း မကြာခဏ ထွက်လာလေ့ရှိပါတယ်။ ဒီနေ့မှာလည်း အဆိုပါအနုပညာရှင်တွေဟာ ပြည်ထောင်စုနေ့ လွတ်ငြိမ်းချမ်းသာစာရင်းထဲမှာ ပါလာပြီလွတ်မြောက်လာပြီဆိုတဲ့ သတင်း ပျံ့နှံ့လာခဲ့တာပဲဖြစ်ပါတယ်။

ဖမ်းဆီးခံထားရတဲ့ ပြည်သူချစ် အနုပညာရှင်တွေအားလုံး အမှန်တကယ် အမြန်ဆုံး ပြန်လည်လွတ်မြောက်လာစေဖို့အတွက်ဆုတောင်းပေးလိုက်ပါတယ်။