ကင်ဆာရောဂါကို ကုသနေစဉ်အတွင်းမှာနောက်ထပ်သတင်းဆိုးတစ်ခုနဲ့ထပ်မံကြုံတွေ့ခဲ့ရတဲ့ မင်းသမီး Park So-dam

တောင်ကိုရီးယားမင်းသမီး Park So-dam ဟာဆိုရင် ကင်ဆာရောဂါနဲ့တိုက်ပွဲဝင်နေစဉ်ကာလမှာပဲ နောက်ထပ်သတင်းဆိုးတစ်ခုနဲ့ ထပ်မံကြုံတွေ့ခဲ့ရတယ်လို့ သူမရဲ့ အေဂျင်စီဘက်ကနေ ကြေညာလိုက်ပါတယ်။

အေဂျင်စီရဲ့ ထုတ်ပြန်ချက်ထဲမှာ Park So-dam က သိုင်းရွိုက်ကင်ဆာကို အရှင်းပျောက်ကင်းအောင်ကုသနေရင်း ကိုဗစ် - ၁၉ ကူးစက်ခံလိုက်ရတာဖြစ်တယ်လို့ ဆိုထားပါတယ်။ သူမဟာ လက်ရှိမှာ သီးခြားနေထိုင်နေပြီဖြစ်ပြီး ကျန်းမာရေးနဲ့ ပတ်သတ်ပြီးတော့ ဘာပြဿနာမှ မရှိသေးဘူးလို့ ရေးသားထားပါတယ်။

Park So-dam ဟာ ပြီးခဲ့တဲ့၂၀၂၁ ခုနှစ် နိုဝင်ဘာလမှာ သိုင်းရွိုက်ကင်ဆာကို ကုသနေခဲ့ရတာဖြစ်ပြီး လက်ရှိမှာတော့ ကင်ဆာရောဂါကို အရှင်းပျောက်ကင်းအောင်း ပြန်လည်သက်သာဖို့ အာရုံစိုက်နေခဲ့ရတာဖြစ်တယ်လို့ သိရပါတယ်။ဒါပေမယ့်လည်း ဆေးရုံကိုအသွားမှာ PCR စစ်ဆေးမှုအရ ကိုဗစ်-၁၉ ရောဂါပိုး ကူးစက်ခဲ့ရတာဖြစ်ပါတယ်။

ကင်ဆာနဲ့ကိုဗစ် နှစ်ခုပေါင်းဖြစ်သွားရတဲ့ မင်းသမီးလေးကို ပရိသတ်တွေတော်တော်များများကလည်း စိုးရိမ်နေကြပါတယ်။ ဒါကြောင့် အရွယ်နဲ့မလိုက်အောင် ရောဂါဝေဒနာခံစားနေရတဲ့ Park So-dam လေး အမြန်ဆုံးနေပြန်ကောင်းလာစေဖို့ အတွက် ဆုတောင်းပေးနေကြပါတယ်။

Park So-dam ဟာ မကြာသေးမီက ထွက်ရှိထားတဲံ “Special Cargo” ဆိုတဲ့ဇာတ်လမ်းမှာလည်း သရုပ်ဆောင်ထားပါတယ်။