အာဖဂန်နစ္စတန်ကလေးမလေးတစ်ယောက်ဆီကနေ ရရှိခဲ့တဲ့စာလေးကို စိတ်မကောင်းစွာ ပြသလာခဲ့တဲ့ အိန်ဂျလီနာဂျိုလီ

ဟောလိဝုဒ်မင်းသမီး အိန်ဂျလီနာဂျိုလီဟာဆိုရင် အာဖဂန်နစ္စတန်ကလေးမလေးဆီကနေ ရရှိခဲ့တဲ့ စိတ်မကောင်းဖွယ်ရာ စာလေးကို သူမရဲ့ လူမှုကွန်ရက်အင်စတာဂရမ် စာမျက်နှာလေးပေါ်မှာ ချပြလာခဲ့ပါတယ်။ ကလေးမလေးရဲ့ ခံစားချက်တွေကို စာလေးထဲမှာ အတိုင်းသား မြင်တွေ့ရပါတယ်။ ဒီစာလေးကိုလည်း ကလေးမလေးက အိန်ဂျလီနာဂျိုလီဆီကို ရောက်အောင် ပို့နိုင်ဖို့အတွက် ဘယ်လောက်တောင် ကြိုးစားခဲ့ရမလဲနော် ။

စာပို့ပေးတဲ့ ကလေးမလေးနဲ့ပတ်သတ်ပြီး အိန်ဂျလီနာ ဂျိုလီမှ အခုလိုလေး ပြောထားပါတယ်။ “အာဖဂန်နစ္စတန်မှာရှိတဲ့ ကလေးမလေးတစ်ယောက်က ကျွန်မဆီကို ဒီစာလေး ပို့ပေးခဲ့တာပါ။ ကျွန်မ သူမ ဘယ်သူလဲဆိုတာကို ကာကွယ်ပေးရမယ်။ သူမက တာလီဘန်တွေ အာဏာသိမ်းလိုက်တဲ့အချိန်ကစပြီး ကျောင်းမတတ်နိုင်တော့တဲ့သူပါ။ အခုအချိန်မှာဆိုရင် ငြိမ်းချမ်းစွာ ဆန္ဒပြနေတဲ့ အမျိုးသမီးတွေတောင် အဖမ်းခံနေကြရပါပြီ ။ ကလေးမလေးပို့လိုက်တဲ့ ဒီစာလေးထဲမှာ ကျွန်မ ဘယ်တော့မှ အပြင်ပြန်ထွက်နိုင်တော့မှာမဟုတ်ဘူး .. ကျွန်မကိုယ် ကျွန်မ မိန်းကလေး ဖြစ်တယ်ဆိုတာတောင် ပြောခွင့် မရနိုင်တော့ပါဘူး ဆိုပြီးရေးထားပါတယ်။”

ကလေးမလေးရဲ့ စာနဲ့ပတ်သတ်ပြီး အိမ်ဂျလီနာဂျိုလီက အာဖဂ္ဂနစ္စတန်နိုင်ငံမှာ အမျိုးသမီးတွေရဲ့ အခွင့်အရေးတွေ ဆုံးရှုံးနေပြီဖြစ်တဲ့အကြောင်း ၊ အာဖဂန်နစ္စတန်နိုင်ငံမှာဆိုရင် အမျိုးသမီးတွေဟာ ကိုယ့်ကိုယ်ကို အမျိုးသမီးဆိုတာတောင် ပြောခွင့်မရှိတော့တဲ့ အကြောင်းလေး ၊ သူတို့လေးတွေကို မမေ့လျော့ဘဲ တစ်ကမ္ဘာလုံးကို ကူညီစောင့်ရှောက်ပေးသင့်တယ်ဆိုတဲ့အကြောင်းကို တစ်ကမ္ဘာလုံး သိစေရန်အတွက် ဖွင့်ချပြောဆိုပေးခဲ့ပါတယ်။