တစ်ချိန်က ဒီလိုအချိန်ဆိုရင် ဆုတွေရရှိနေပြီဖြစ်တဲ့ ပြည်သူ့မင်းသမီး အိန္ဒြာကျော်ဇင်

သရုပ်ဆောင် အိန္ဒြာကျော်ဇင်ဟာဆိုရင် အောင်မြင်မှုတွေများစွာရရှိနေတဲ့ သူတစ်ဦးဖြစ်ပါတယ်။ သူမဟာ မြန်မာမှာသာမက ကမ္ဘာမှာပါ အောင်မြင်မှုတွေကို ရရှိပိုင်ဆိုင်နေတဲ့သူဖြစ်ပါတယ်။ သူမရရှိခဲ့တဲ့ဆုတွေက ၂၀၀၁ ခုနှစ်မှာ အချစ်လေပြေဇာတ်ကားနှင့် အကောင်းဆုံးအမျိုးသမီးဇာတ်ဆောင်ဆု ၊ ၂၀၀၉ ခုနှစ်မှာဆိုရင် အတိတ်၏အရိပ်ဇာတ်ကားနှင့် Asian Academy Awards ကနေရော Golden Rooster Awards ကနေရော အကောင်းဆုံးအမျိုးသမီး ဇာတ်ဆောင်ဆုကို ရရှိခဲ့ပြန်ပါတယ်။ အဲဒါတင်မကသေးပါဘူး။ သူမဟာ၂၀၁၁ ခုနှစ်ကနေ ၂၀၂၁ ခုနှစ်အထိလည်း ဆုတွေအများကြီးရရှိခဲ့တဲ့ သူဖြစ်ပါတယ်။

၂၀၂၁ခုနှစ် သူမ အကျဉ်းထောင်ထဲရောက်နေချိန်မှာတောင် What Happened to the Wolf? ဇာတ်ကားနဲ့ Oldenburg International Film Festival ကချီးမြှင့်တဲ့ Seymour Cassel Award For Best Performance ဆုကိုရရှိခဲ့ပါတယ်။

ပြည်သူ့မင်းသမီး အိန္ဒြာကျော်ဇင်ဟာ ပြည်သူတွေနဲ့အတူရပ်တည်ရင်း ၅၀၅ က ပုဒ်မဖြင့် ဖမ်းဆီးအကျဉ်းကျခံထားရတဲ့သူဖြစ်ပါတယ်။ သူမသာ အပြင်မှာရှိနေခဲ့ရင်လည်း နောက်ထပ် အောင်မြင်မှုတွေ အများကြီး ယူလာနိုင်ခဲ့မှာ အသေအချာပဲဖြစ်ပါတယ်။

အိန္ဒြာကျော်ဇင်ဟာ ရုပ်ရှင်သရုပ်ဆောင်ပြေတီဦးနှင့် ၂၀၁၁ ခုနှစ်မှာ လက်ထပ်ခဲ့ကြပြီး သားလေးတစ်ဦး သမီးလေးတစ်ဦး ရရှိပိုင်ဆိုင်ထားပါတယ်။ ပျော်ရွှင်စရာနဲ့အရာရာပြည့်စုံနေတဲ့ မိသားစုလေး ကွဲကွာသွားခဲ့တာ အခုဆိုရင် ၁ နှစ်နီးပါးတောင်ပြည့်တော့မှာပဲဖြစ်ပါတယ်။ ချစ်စရာကောင်းတဲ့မိသားစုလေး အမြန်ဆုံး ပြန်လည်စုစည်းနိုင်ပြီး အောင်မြင်မှုတွေလည်း ထပ်မံရရှိနိုင်ဖို့ ဆုတောင်းပေးလိုက်ပါတယ်။