အမေရိကန်နိုင်ငံ ၊ ကယ်လီဖိုးနီးယား ပြည်ထောင်စု အုပ်ချုပ်ရေးမှူးဟောင်းဖြစ်သူ ရုပ်ရှင်မင်းသားကြီး အာနိုးရှဝါဇနက်ဂါဟာ လေးစီးပြိုင်ယာဉ်တိုက်မှုမှာ ပါဝင်ခဲ့ပေမယ့်လည်း ရုပ်ရှင်ကားတွေထဲကလို အသက်အန္တရာယ်မရှိ လွတ်မြောက်သွားခဲ့ပါတယ်။
အာနိုးရှဝါဇနက်ဂါ ပါဝင်ခဲ့တဲ့ ပြင်းထန်တဲ့ယာဉ်တိုက်မှုဖြစ်စဉ်က ပြီးခဲ့တဲ့ သောကြာနေ့ ဇန်နဝါရီလ ၂၂ ရက်နေ့တုန်းက Brentwood မှာ ဖြစ်ပွားခဲ့တာဖြစ်ပါတယ်။
ယာဉ်တိုက်မှုဖြစ်စဉ်မှာ အသက် ၇၄ နှစ်အရွယ် အာနိုးရှဝါဇနက်ဂါမောင်းလာတဲ့ Yukon ကားအနက်ရောင်က Toyota Prius ကား အပေါ်ကိုတတ်သွားခဲ့တာဖြစ်ပါတယ်။ Toyota Prius ကားထဲမှာရှိတဲ့ အမျိုးသမီးကတော့ ထိခိုက်ဒဏ်ရာရရှိမှု ပြင်းထန်တယ်လို့ သိရပါတယ်။
ယာဉ်မတော်တဆမှုဖြစ်စဉ်မှာ အရက်သေစာ သောက်စားထားခြင်းမရှိတာကြောင့် ဖြစ်စဉ်နဲ့ပတ်သတ်ပြီး မည်သူတစ်ဦးတစ်ယောက်ကိုမှ ဖမ်းဆီးအရေးယူထားခြင်း မရှိသေးဘူးလို့ သိရပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
