သမာအာဇီဝဈေးရောင်းနေတဲ့ အဘိုးအဘွား ၇ ဦးစီအတွက် ငွေကျပ် ၇ သိန်းလှူဒါန်းပေးခဲ့တဲ့ လူရွှင်တော်မိုးစက်

လူရွှင်တော်မိုးစက်ဟာဆိုရင် လူမှုကွန်ရက်စာမျက်နှာပေါ်ကနေ လာရောက်လှူဒါန်းပေးနေတဲ့ အလှူရှင်တွေကိုယ်စား လိုအပ်နေတဲ့သူတွေဆီကို ငွေကြေးလိုက်လံလှူဒါန်းပေးနေတဲ့သူဖြစ်ပါတယ်။ ဒီတစ်ခေါက်မှာလည်း လူရွှင်တော်မိုးစက်ဟာ သမာအာဇီဝဈေးရောင်းနေတဲ့ အဘိုးအဘွား ၇ ဦးစီအတွက် တစ်ဦးကို ငွေကျပ် ၁ သိန်းစီဖြင့် စုစုပေါင်း ငွေကျပ် ၇ သိန်းတိတိကို လှူဒါန်းပေးခဲ့ပါတယ်။ ဒီအလှူလေးကို အမေရိကန်နိုင်ငံက အလှူရှင်တွေကိုယ်စား လူရွှင်တော်မိုးစက်က လှူဒါန်းပေးခဲ့တာဖြစ်တယ်လို့ သူ့ရဲ့လူမှုကွန်ရက်စာမျက်နှာပေါ်မှာ အခုလို တင်ထားပါတယ်။

“သမာအာဇီဝ ဈေးရောင်းချနေသော

သက်ကြီးဖိုးဖွား (၇) ဦးအတွက် (၇)သိန်းကျပ်။ ❤️

ဝမ်းသာ ဝမ်းနည်း ပီတိဖြစ်ခဲ့ရတဲ့

ယနေ့ အတွက်

ကိုယ်စား အလှူလေးပါခင်ဗျာ။

USA နိုင်ငံ မှ

သားသား မီးမီးလေးတွေ ဖြစ်တဲ့

“Timothy, Adriana, Aaron,

Aanalise & Ayden…” တို့မှ

မြန်မာပြည်မှာ ရှိတဲ့ သက်ကြီးဖိုးဖွားတို့အတွက်

တစ်ဦး ကို တစ်သိန်းကျပ် လှူဒါန်းပေးပါတဲ့ ။

ပျော်ရွှင် ကြည်နူးစွာနဲ့

ဒီနေ့ အားလုံး လှူဒါန်းပြီးပါပြီခင်ဗျာ။

ကျွန်တော်လှူဒါန်းချင်သည့်

သက်ကြီးဖိုးဖွားများကိုလှူဒါန်းခွင့်ရအောင်

ပါရမီဖြည့်ပေးကြတဲ့

တစ်ဦးတစ်ယောက်စီတိုင်းကို

ကျေးဇူးတင်ပါတယ်ခင်ဗျာ။ ❤️?

#မိုးစက်

#MoeSat”

လူရွှင်တော်မိုးစက်မှ အလှူရှင်တွေကိုယ်စား လှူဒါန်းပေးခဲ့တဲ့ သူတွေက သာကေတဒေါပုံက မြေပဲပြုတ်ရောင်းတဲ့အဖိုး ၊ တောင်ဒဂုံ ၂၁ ရပ်ကွက်က ပန်းရောင်းနေတဲ့ အဖွား ၊ မြို့ထဲ ၁၈ လမ်းထိပ်က သပွတ်သီးခြောက်လေးတွေရောင်းတဲ့ အဖွား ၊ မြောက်ဒဂုံ ၄၉ ရပ်ကွက်က ကန်စွန်းဥပြုတ် ပြောင်းဖူးပြုတ်ရောင်းတဲ့အဖွား ၊ ဗိုလ်ချုပ်လမ်း မီးပွိုင့်နှင့်ဘုန်းကြီးလမ်းထောင့်က ကွမ်းယာရောင်းတဲ့အဖွား ၊ မြောက်ဒဂုံ မန္တလေးဈေးက တိုလီမိုလီအစုံရောင်းတဲ့အဖွား ၊ တောင်ဒဂုံ ၂၁ ရပ်ကွက်က ရာသီပေါ် အသီးအနှံလေးတွေ ရောင်းတဲ့အဖွား  တို့ဖြစ်တယ်လို့သိရပါတယ်။

လူရွှင်တော်မိုးစက်လှူဒါန်းပေးလိုက်တဲ့ အလှူလေးကတော့ တကယ်ကို အားရစရာကြီးပါနော်။ ငွေကျပ်တစ်ယောက်ကို တစ်သိန်းဆိုတာကြောင့် အဘိုးအဘွားတွေအတွက်တော့ အချိန်အတိုင်းအတာလေး တစ်ခုလောက်ထိ ကို အသက်ရှူချောင်သွားစေမှာပါ။ နောက်ထပ်လည်း လူရွှင်တော်မိုးစက်တစ်ယောက် အလှူရှင်တွေအများကြီးကိုယ်စား ထပ်မံလှူဒါန်းပေးနိုင်ဖို့အတွက် ဆုတောင်းပေးလိုက်ပါတယ်နော်။