ဦးကျော်သက်လင်းဟာဆိုရင် မြန်မာ့ရုပ်မြင်သံကြားကနေ အစောဦးဆုံး CDM လုပ်ခဲ့တဲ့သူဖြစ်ပါတယ်။ ဦးကျော်သက်လင်းဟာ ဦးစီးအရာရှိရာထူးကိုစွန့်လွှတ်ပြီး လက်နက်တော်လှန်ကာ တိုက်ပွဲဝင်နေတဲ့သူဖြစ်ပါတယ်။ စျေးကြီးလွန်းတဲ့ အိမ်မက်အတွက် ပင်ပန်းစွာ ပေးဆပ်ခဲ့ရတာကို ဦးကျော်သက်လင်းက အခုလိုပြောလာခဲ့ပါတယ်။
“ကျနော်စကတည်းကပြောခဲ့ပါတယ်။
မစစ်မှန်တဲ့အရာတွေက ကြာကြာမခံပါဘူး။
လူတွေဖန်တီးထားတဲ့အရာတွေပဲဖြစ်ဖြစ်
ရင်ထဲကဆန္ဒတွေရည်မှန်းချက်တွေပဲဖြစ်ဖြစ်
စေတနာမမှန်ရင် ဆန္ဒမကြီးရင် လွယ်လွယ်ပဲကွယ်ပျောက်သွားကြမှာပါ။
ကျနော်တို့ အိပ်မက်တွေကစျေးကြီးလွန်းပါတယ်။အသက်တွေ စည်းစိမ်တွေ ရာထူးတွေ မိသားစုတွေကိုစွန့်လွှတ်ပြီးမက်ရပါတယ်။
မင်းလည်းလိုက်မက်ကွာလို့ ဒီအဖိုးကြီးကပြောမထွက်ပါဘူး။
ဒီလိုနဲ့ပဲ ကျနော်တစ်ယောက်ထဲ ဘယ်သူ့မှမစည်းရုံး မသိမ်းသွင်းပဲထွက်လာခဲ့တယ်။လမ်းတူရင် တစ်နေ့မှာကျနော်တို့ဆုံကြမှာပါ။
လမ်းတူပေမယ့်လည်း အိပ်မက်တွေအတွက် အသက်တွေပေးခဲ့ကြတဲ့သူတွေနဲ့တော့ဖြင့် မဆုံနိုင်ကြတော့ပါဘူး။
ကျန်ခဲ့ကြတဲ့သူတွေနဲ့ပဲ...
စျေးကြီးလွန်းတဲ့အိပ်မက်တွေအကြောင်း တဝကြီးထိုင်ပြောကြတာပေါ့....။”
ဦးကျော်သက်လင်းရဲ့ စကားတွေဟာ တကယ်ကို မှန်ပြီး ထိရှလွန်းပါတယ်နော်။ ပြန်ဆုံနိုင်မယ့် သူတွေအတွက်ရောပြန်မဆုံနိုင်တော့မယ့် သူတွေအတွက်ရောနဲ့ အောင်မြင်တဲ့ ပန်းတိုင်တစ်ခုကိာ အမြန်ဆုံးရောက်ရှိပါစေလို့ဆုတောင်းပေးလိုက်ပါတယ်နော်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
