တောင်ကိုရီးယားမင်းသမီး Park Ha Sun ဟာ သူမရဲ့ခင်ပွန်းဖြစ်သူနဲ့လက်ထပ်ဖြစ်ခဲ့တဲ့အကြောင်းလေးကို ဝေမျှပေးလာခဲ့ပါတယ်။ ဒီအကြောင်းလေးကို ဇန်နဝါရီလ ၁၁ ရက်နေ့တုန့်ကထုတ်လွှင့်ခဲ့တဲ့ KBZ 2TV ရဲ့ “Problem Child in House” အစီအစဉ်လေးမှာ Park Ha Sun တစ်ယောက် ဧည့်သည်အနေနဲ့ပါဝင်ပြီး ဝေမျှပေးလာခဲ့တာဖြစ်ပါတယ်။
အစီအစဉ်လေးရဲ့ အမေးအဖြေကဏ္ဍလေးမှာ Park Ha Sun က လင်မယားစုံတွဲတွေရဲ့ အိပ်ယာကုတင်အကြောင်းကို ပြောလာခဲ့ပါတယ်။ လင်မယားစုံတွဲတွေကပုံစံမတူတဲ့ အိပ်ရာ ကုတင်တွေမှာ အိပ်လေ့ရှိတဲ့အကြောင်းပြောပြီး သူမတို့လင်မယားကတော့ အရမ်းကို ကြီးမားကျယ်ပြန်တဲ့ အိပ်ရာကုတင်ကြီးနဲ့အိပ်တယ်လို့ဆိုပါတယ်။ သူတို့လင်မယားဟာ အိပ်ရာကုတင်တွေထဲမှာ အရွယ်အစား အကြီးဆုံးဖြစ်တဲ့ “Eastern King” အိပ်ရာကြီးနဲ့အိပ်ပြီး အိပ်ရာကကျယ်တာကြောင့် သက်တောင့်သက်သာရှိတယ်လို့ဆိုပါတယ်။ တစ်ခါတစ်ရံ တစ်ယောက်ကိုစောင်တစ်ထည်စီ အသုံးပြုရတဲ့အချိန်တွေရှိတယ်လို့ ဆိုပါတယ်။ ခင်ပွန်းဖြစ်သူနဲ့ပုံစံခြင်း မတူပေမယ့် ရွေးချယ်ဖြစ်ခဲ့တဲ့အကြောင်းကိုလည်း Park Ha Sun က အခုလိုလေးပြောထားပါတယ်။
Park Ha Sun နှင့် Ryu Soo Young တို့ဟာ ၂၀၁၃ ခုနှစ် ဒရမ်မာဖြစ်တဲ့ “Two Weeks” ဇာတ်လမ်းမှာ စတင်တွေ့ဆုံခဲ့ကြတာဖြစ်ပြီး ၂၀၁၄ ခုနှစ်မှာ စတင်တွဲခဲ့ကြပါတယ်။ ၂၀၁၇ ခုနှစ်မှာ လက်ထပ်ခဲ့ကြပြီး သမီးလေးတစ်ယောက်ကို ရရှိပိုင်ဆိုင်ထားပါတယ်။
သတင်းအရင်းမြစ်: Soompi
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
