ကွယ်လွန်သွားရှာပြီဖြစ်တဲ့ခင်ပွန်းဖြစ်သူ ၄ လပြည့်အတွက် အလှူလေးတွေ ပြုလုပ်ပေးနေတဲ့ သရုပ်ဆောင် နန်းမြတ်ဖြိုးသင်း

သရုပ်ဆောင်နန်းမြတ်ဖြိုးသင်းဟာ ခင်ပွန်းဖြစ်သူ ထွက်ခွာသွားချိန်မှစလို့ သားသမီးလေးတွေကို တစ်ယောက်တည်း ပြုစုစောင့်ရှောက်ပေးနေတဲ့သူဖြစ်ပါတယ်။ သူမဟာ ချစ်ဖို့ကောင်းတဲ့ သားသားမီးမီးလေးတွေနဲ့ ဘဝကို ကြံ့ကြံ့ခံ ကျော်ဖြတ်ရင်း ခင်ပွန်းဖြစ်သူအတွက်လည်း ကုသိုလ်ကောင်းမှုလေးတွေ ပြုလုပ်ပေးနေတဲ့သူဖြစ်ပါတယ်။ ဒီကနေမှာဆိုရင် နန်းမြတ်ရဲ့ ခင်ပွန်းဖြစ်သူ ဆုံးပါးသွားခဲ့တာ ၄ လတောင် ပြည့်သွားခဲ့ပါပြီ။ ဒါကြောင့် နန်းမြတ်ဟာ ကွယ်လွန်သွားရှာပြီဖြစ်တဲ့ ခင်ပွန်းသည်ရဲ့ ၄ လပြည့်အတွက်ရည်စူးပြီး ဆေးပဒေသာပင်၊ ဆွမ်းပဒေသာပင်၊ ငွေပဒေသာပင်၊ ကျောက်ကပ်ဆေးဖို့၊ မျက်စိခွဲဖို့ စတဲ့ အလှူလေးတွေ ပြုလုပ်ပေးခဲ့ပါတယ်။ အလှူလေးတွေကို သူမကို အားပေးတဲ့ ပရိသတ်တွေခွန်အားကြောင့် ပြုလုပ်နိုင်ခဲ့တဲ့အကြောင်းကိုလည်း နန်းမြတ်ရဲ့ လူမှုကွန်ရက်စာမျက်နှာပေါ်မှာ အခုလို ရေးတင်ထားပါတယ်။

“ကြာလည်းမမေ့

ရှာလည်းမတွေ့

ငါလည်းတနေ့”

ကြုံလာရတဲ့လောကဓံ

ကြံ့ကြံ့ခံရုံသာ

ဘဝမှာဘာကိုအတောင့်တဆုံးလဲဆိုနိဗ္ဗာန်ပါ

မွေးခြင်း သေခြင်း တွေ့ခြင်း ကွဲခြင်းတို့ချုပ်ငြိမ်းရာအမှန်ကိုပဲလိုချင်ပါတော့တယ်

ဘဝပေါင်းများစွာသံသရာမှာကွဲခြင်းပေါင်းများစွာကြုံလာခဲ့ရတယ်

ခုဘဝမှာလဲငယ်ငယ်ရွယ်ရွယ်နဲ့ကြုံတွေ့ခဲ့ရပါပီ

ကိုယ်လဲတနေ့သေရမှာမို့ လိုချင်လောဘတွေအတတ်နိုင်ဆုံးလျော့ချပီးသံသရာအတွက်ပဲကြိုးစားချင်မိတာတော့အမှန်ပါ

လောကီတာဝန်ဖြစ်တဲ့သားနဲ့သမီးအတွက်ကြိုးစားရုန်းကန်ပီးရင်တော့ ဘာကိုမှမတောင့်တတော့ပါဘူး

ခုတော့လဲတဏှာကမကုန်သေးတော့ကိုယ့်ရဲ့သားလေးသမီးလေးကိုကောင်းစေချင်တဲ့စိတ်နဲ့အစွမ်းကုန်ကြိုးစားရုန်းကန်ပါဦးမယ်

ဒီတလောအတွင်းအားပေးကြတဲ့ပရိသတ်တွေ၊ အလုပ်ပေးကြတဲ့လုပ်ငန်းရှင်တွေ၊ Mummy’s marketplace ကနေဈေးဝယ်ကြတဲ့သူတွေကြောင့် ပြိုလဲမပျက်စီးသွားရတဲ့အတွက် ထိုသူများကိုကျေးဇူးအများကြီးတင်ပါတယ်

ယောက်ျားကျေးဇူးနဲ့လစဉ်အလှူပြုဖြစ်နေတာပေါ့လေ

ဒီနေ့(၄)လပြည့်အတွက် ဆေးပဒေသာပင်၊ဆွမ်းပဒေသာပင်၊ငွေပဒေသာပင်၊ကျောက်ကပ်ဆေးဖို့၊မျက်စိခွဲဖို့ စတဲ့အလှူတွေပြုဖြစ်ပါတယ်

အလုပ်အပ်နှံကြတဲ့သူများအားလုံးကိုကျေးဇူးအများကြီးတင်ပါတယ်

??????

ချစ်ဖို့ကောင်းလွန်းတဲ့ ဂျူးဂျူး နဲ့ဂျက်ဂျက်လေးတို့ရဲ့ မေမေ နန်းမြတ် ရေးထားတဲ့ စာလေးတွေက တော်တော်လေးကို အေးချမ်းလွန်းလှပါတယ်နော် ။

နန်းဖြတ်ဟာ ဘဝလောကဓံကို ရင်ဆိုင်ကျော်ဖြတ်ပြီး အပြုံးမပျက်ရပ်တည်နိုင်တဲ့ သတ္တိရှိတဲ့ အမျိုးသမီးတွေထဲမှာ လေးစားဖို့ကောင်းတဲ့သူတစ်ယောက်လည်း ဖြစ်ပါတယ်။