တောထဲတောင်ထဲမှာ အဖျားရောဂါခံစားနေရတဲ့ ဒါရိုက်တာ ကိုပေါက်

ဆောင်းရာသီရောက်ရှိလာပြီဆိုတော့ ရာသီဥတုလည်းတော်တော်လေးကို အေးလာပါပြီ။ ရာသီဥတုအေးလာတာနှင့်အမျှ ရာသီအကူးအပြောင်းကာလမှာ ဖြစ်တတ်တဲ့ တုတ်ကွေးရောဂါတွေလည်း ဖြစ်လာကြပါတယ်။ မြို့ပြမှာနေတဲ့သူတွေအဖို့နွေးနွေးထွေးထွေးနေလို့ရပေမယ့် တောထဲတောင်ထဲရောက်နေတဲ့ သူတွေကတော့ အေးစိမ့်တဲ့ဒဏ်ကို အံတုရင်းနေထိုင်ကြရပါတယ်။ ဒါရိုက်တာကိုပေါက်ဟာဆိုရင်လည်း မြန်မာပြည်အစွန်အဖျား တောထဲတောင်ထဲကိုရောက်ရှိနေတာကြောင့် အေးစိမ့်မှုဒဏ်ကို အံတုရင်း နေမကောင်းဖြစ်နေတယ်လို့ သိရပါတယ်။ ဒါရိုက်တာ ကိုပေါက်ကတော့ အခုသူဖျားနေတဲ့အဖျားကို တုတ်ကွေးပဲဖြစ်ပြီး ငှက်ဖျားမဖြစ်ဖို့အတွက် ဆုတောင်းနေပါတယ်။

“တုပ်ကွေးလောက်ပဲ လာပါ။

ငှက်ဖျားတော့ မလုပ်ပါနဲ့။

ပုံ

မနေ့ကဖြစ်သည်။”

ဒါရိုက်တာကိုပေါက်ဟာ သူချစ်ရတဲ့ မိသားစု ခွဲခွာ ၊ အနုပညာလုပ်ငန်းတွေအားလုံကို စွန့်လွှတ်ပြီး ပြည်သူတွေနှင့်အတူ ရပ်တည်ကာ လွတ်မြောက်နယ်မြေတစ်နေရာမှာ ကျရာတာဝန်ကို ထမ်းဆောင်နေတဲ့သူဖြစ်ပါတယ်။

ပရိသတ်တွေအားလုံးလည်း တောထဲတောင်ထဲရောက်နေတဲ့ ဒါရိုက်တာကိုပေါက် အမြန်ဆုံးနေကောင်း ကျန်းမာလာစေဖို့ဝိုင်းပြီးဆုတောင်းပေးနေကြပါတယ်။