အိမ်ခြေ ၆၀၀ စာအတွက် ဆန်အိတ်တွေသွားရောက် လှူဒါန်းပေးခဲ့တဲ့ အဆိုတော် ချယ်ရီသင်း

အဆိုတော်ချယ်ရီသင်းဟာ ရွှေပြည်သာမှာရှိတဲ့ အဆင်မပြေတဲ့သူတွေအတွက် ဒီကနေ့ ဒီဇင်ဘာလ ၁၃ ရက်နေ့မှာ ဆန်အိတ်တွေလှူဒါန်းပေးခဲ့ပါတယ်။ အိမ်ခြေ ၆၀၀ စာအတွက်လှူဒါန်းပေးခဲ့တဲ့ဖြစ်ပြီး စုစုပေါင်း ဆန်အိတ် ၅၀ အိတ် ၊ ပြည်ပေါင်း ၁၂၀၀ ကို လှူဒါန်းပေးခဲ့တယ်လို့ သိရပါတယ်။

ဒီအလှူလေးကို ဆောင်းဝင်တော့မည် သီချင်း အမှတ်တရအနေနဲ့ အဆိုတော် ဝင်းနိုင်စိုး ကနေ မတည်လှူဒါန်းပေးခဲ့တာဖြစ်ပြီး အဆိုတော်ချယ်ရီသင်းမှ ကိုယ်တိုင်ကိုယ်ကျသွားရောက်လှူဒါန်းပေးခဲ့တာလို့ သိရပါတယ်။နောက်ထပ်လည်း လိုအပ်တဲ့နေရာလေးတွေမှာ သွားရောက်လှူဒါန်းပေးဦးမယ်လို့ ချယ်ရီသင်းမှ သူ့ရဲ့ လူမှုကွန်ရက်စာမျက်နှာမှာ ရေးတင်ထားပါတယ်။

ချယ်ရီသင်းဟာ အသံချိုချိုလေးနှင့် ပရိသတ်တွေနားထဲ စွဲသွားစေမယ့် သီချင်းတွေ သီဆိုလေ့ရှိတဲ့သူဖြစ်ပြီး သူမ နောက်ဆုံးသီဆိုထားတဲ့ သီချင်းလေးကတော့ ဆောင်းဝင်တော့မည်သီချင်းဖြစ်ပါတယ်။ သူမဟာ  မကြာခဏ အလှူတွေလုပ်လေ့ရှိတဲ့သူဖြစ်ပြီး အခုအလှူလေးကတော့ သူမနှင့်သီချင်းတွဲဖက်သီဆိုခဲ့တဲ့ အဆိုတော်ဝင်းနိုင်စိုး ရဲ့ မတည် အလှူလေး ဖြစ်တယ်လို့ သိရပါတယ်။