မိခင်ကြီးရုတ်တရက်ကွယ်လွန် သွားခဲ့တာကြောင့် စိတ်မကောင်းဖြစ်နေတဲ့ သရုပ်ဆောင် ဈူးဈူးဈာန်

MRTV 4 ဇာတ်လမ်းတွဲတွေထဲမှာ မကြာခဏမြင်တွေ့ရတဲ့ ဈူးဈူးဈာန်ဟာ သရုပ်ဆောင်အရမ်းကောင်းလွန်းတာကြောင့် အားပေးသူပရိသတ်တွေ အများကြီး ရရှိပိုင်ဆိုင်ထားတဲ့သူတစ်ယောက်ပဲဖြစ်ပါတယ် ။

ယမန်နေ့ဒီဇင်ဘာလ ၉ ရက်နေ့မှာတော့ ဈူးဈူးဈာန်နဲ့ အမေတစ်ခုသမီးတစ်ခုလိုမျိုး နေထိုင်ခဲ့တဲ့ မိခင်ကြီးဟာ ရုတ်တရက်ကွယ်လွန်သွားခဲ့တယ်လို့ သိရပါတယ်။ မိခင်ဖြစ်သူ ကွယ်လွန်သွားခဲ့ရတဲ့အတွက်လည်း ဈူးဈူးဈာန်တစ်ယောက်များစွာ ကြေကွဲဝမ်းနည်းနေတာပဲဖြစ်ပါတယ်။ ဈူးဈူးဈာန်ဟာ သူမရဲ့ ကွယ်လွန်သွားရှာပြီဖြစ်တဲ့မိခင်ကြီးကို မီးသဂြိုလ်ရင်း အခုလိုလေး ရေးပြီးတင်လာပါတယ်။

“ဟိုးငယ်ငယ်လေးတည်းက Broken Family ကနေ သားအမိလေးနှစ်ယောက် ဘဝကိုခက်ခက်ခဲခဲကြိုးစားပြီး ရုန်းကန်ရှင်သန်လာခဲ့တာ  ...အခုတော့မေမေဈူးကိုစိတ်ချသွားပီပေါ့နော် .... မေမေကောင်းရာမွန်ရာမှာ အေးအေးချမ်းချမ်းနဲ့အနားယူနေမယ်ဆိုတာဈူးယုံတယ်နော်...ဈူးကိုစိတ်ချနော်..အေးချမ်းပါစေမေမေ ???”

ဈူးဈူးဈာန်ရဲ့ မိခင်ကြီးဟာ ဆေးရုံမှာ သတိမေ့မြောနေခဲ့တာ ကိုးရက်ကျော်ကြာခဲ့ပြီးတဲ့နောက်မှာ ပြင်ဦးလွင်မှာရှိတဲ့ အောင်သစ္စာဆေးရုံမှာ ကွယ်လွန်ခဲ့တာဖြစ်ပါတယ်။ ဈူးဈူးဈာန် ကိုယ်တိုင်လည်း သူမရဲ့ မိခင်ကြီးကို ဆေးရုံကုတင်ပေါ်မှာ မြင်တွေ့ရမယ်လို့ အိမ်မက်တောင် မမက်ခဲ့မိဘူးလို့ သိရပါတယ်။ ရုတ်တရက် ကွယ်လွန်သွားရှာတဲ့ မိခင်ကြီးအတွက် ဈူးဈူးဈာန် တစ်ယောက် များစွာ စိတ်မကောင်းဖြစ်လို့ နေပါတယ်။