လွတ်မြောက်နယ်မြေတစ်နေရာတွင် တန်ဆောင်မုန်း လပြည့်ညသီချင်းဆိုဖျော်ဖြေခဲ့သည့် အဆိုတော်မူးလာ

လူငယ်အဆိုတော် မူးလာဟာ Myanmar Idol Season 4 ပြိုင်ပွဲ မှာ top 4 အထိယှဉ်ပြိုင်တက်လှမ်းနိုင်ခဲ့တဲ့ သူတစ်ယောက်ဖြစ်ပါတယ်။ ဆွဲဆောင်မှုရှိလှတဲ့အသံနဲ့ ပရိသတ်တွေရဲ့ အားပေးမှုတွေ အများကြီး ရရှိခဲ့တဲ့ အဆိုတော်မူးလာဟာ တော်လှန်ရေးနယ်မြေတစ်ခုမှာ ရောက်ရှိနေတဲ့သူဖြစ်ပါတယ်။ မူးလာဟာ အခုအချိန်အထိလည်း စစ်အာဏာရှင်ဆန့်ကျင်ရေးမှာ တထောင့်တနေရာကနေ ပါဝင်နေတဲ့သူဖြစ်ပါတယ်။

ဒီနှစ်ရဲ့ တန်ဆောင်မုန်းလပြည့်နေ့မှာတော့ မူးလာဟာ သူရောက်ရှိနေတဲ့လွတ်မြောက်နယ်မြေမှာ သူဝါသနာပါတဲ့သီချင်းတွေကို သီဆိုရင်း ဖျော်ဖြေပွဲလေးတစ်ခု လုပ်ပေးခဲ့တယ်လို့ သူ့ရဲ့ လူမှုကွန်ရက်စာမျက်နှာမှာ အခုလိုလေးရေးထားပါတယ်။

"တန်ဆောင်တိုင်ထဲက မည်သည့်နှစ်မှမတူခဲ့တဲ့ တန်ဆောင်တိုင်ခွေးကိုမောင်းထုတ်ဖို့ အရာအားလုံးကိုစွန့်ပြီး ဆုံတွေ့ရတဲ့ ရဲဘော်တွေနဲ့ ပေးဆပ်ခဲ့တဲ့ လူကြီးသူမများအတွက် တစွန်းတစ စိတ်ဖြေဖျောက်ခွင့်ရလို့ အရမ်းကျေးဇူးတင်မိတယ်တော်လှန် တန်ဆောင်တိုင် တဲ့ သေချာပါတယ် အဆိုတော်ဖြစ်ရတာ ဒီတခါ ဂုဏ်အယူရဆုံးပဲ အရေးတော်ပုံ အောင်ကို အောင်ရမည်"

မူးလာရဲ့ဖျော်ဖြေမှုလေးကြောင့် လွတ်မြောက်နယ်မြေကို ရောက်ရှိနေတဲ့ပြည်သူတွေရဲ့ မွန်းကြပ်မှုတွေလည်း အနည်းနှင့်အများ ပြေလျော့စေနိုင်မယ်ဆိုတာ အသေအချာပဲဖြစ်ပါတယ်။