အော်ရီဂျင်နယ် ဂန်းစတား ၃မှာ အဆိုတော်အဖြစ်သရုပ်ဆောင်ထားတဲ့ သက်ဆုနဒီ

အော်ရီဂျင်နယ်ဂန်းစတား(၃)မှာ အဆိုတော်ဇာတ်ရုပ်ကနေပါဝင်သရုပ်ဆောင်ထားတဲ့ သက်ဆုနဒီက ဒီဇာတ်ကားနဲ့ပတ်သက်ပြီး သူ့ရဲ့အမှတ်တရ ရင်ခုန်သံတွေကို အခုလိုပြောပါတယ်။ဒီကားမှာသက်ဆုကအဆိုတော်ပါပဲ။ဒီဇာတ်ကားမှာ သက်ဆုတို့ အနုပညာမောင်နှမတွေ အများကြီးပါပါတယ်။တော်တော်လည်းပျော်ဖို့ကောင်းပါတယ်။ဒီဇာတ်ကားမှာအနုပညာရှင်တွေအလွန်များပြီး ဇာတ်အိမ်လည်းကြီးတယ်။ရိုက်တာကလည်း အချိန်ကပိုပြီးတော့ ယူရတယ်။အကုန်လုံးဆုံတဲ့အချိန်ကိုစောင့်ရတယ်။အဓိက သက်ဆုတို့ဆင်းန်တွေက တစ်ရက်ချင်းရိုက်ရတာဆိုတော့ ပိုပြီးပင်ပန်းတယ်။

မနက်ဆိုရင် ရှူတင်ကို ကိုးနာရီအရောက်သွားရတယ်။ပြီးတော့ ညဉ့်နက်တဲ့အထိရိုက်ရတယ်။ကိုယ့်အလှည့်မပါသေးလဲ အားလုံးက ရှူတင်မှာထိုင်စောင့်နေကြတာ။ဇာတ်ကားတစ်ကားလုံးက ပြေးရ၊လွှားရတာတွေလည်းများတယ်။ငြိမ်နေရတာတော်တော်ရှားတယ်။ဒိုင်ယာလော့ကလည်းသိပ်မပါတော့ ပိုပြီးတော့ခက်တယ်။ပြီးတော့ တစ်ချိန်လုံးငိုနေရတာ။ငိုရတာအခက်ဆုံးပဲ။

သက်ဆုက မျက်ကပ်မှန်တပ်ထားတော့ ငိုရတာနည်းနည်းအဆင်မပြေဘူး။စိတ်လည်းအလွန်ပင်ပန်းခဲ့ရတယ်။အတော်လည်းအော်ရတယ်။ပြေးရင်းလွှားရင်းအကုန်းလုံး ဒဏ်ရာ ဒဏ်ချက်တွေလည်းရကြတယ်။သက်ဆုဆိုလည်း ဒူးတွေပေါက်ပြဲကုန်တယ်။ဒီဇာတ်ကားနဲ့ပတ်သက်ပြီး သက်ဆုအရမ်းရင်ခုန်ပါတယ်။ပြီးတော့အရှေ့မှာ ရုံတင်ခဲ့တဲ့ ဂန်းစတား (၂)ကလည်း အလွန်ဟော့သွားတယ်။အဲ့ဒီကားမှာသက်ဆုတို့ရဲ့ ဂန်းစတား (၃)ထွေလာလေးလဲထည့်ထားတော့ အဲ့ဒါကြည့်တာနဲ့တင်သက်ဆုရင်တွေအလွန်ခုန်နေတယ်။ဒီကားကဘဝမှာ အမှတ်တရအဖြစ်ဆုံးပါပဲ။ပရိသတ်ကဒီဇာတ်ကားကိုကြည့်ပြီးသက်ဆုအရမ်းအလွန်ငိုတယ်လို့မပြောရင်ကျေနပ်ပါပြီလို့ သက်ဆုကပြောခဲ့ပါတယ်။

သတင်းအရင်းမြစ် ေျကးမွဳံ