အမေရိကန်သတင်းထောက် Danny Fenster ဟာ မြန်မာနိုင်ငံက အကျဉ်းထောင်တစ်ခုဖြစ်တဲ့ အင်းစိန်အကျဉ်းထောင်မှာ ၆ လနီးပါး ဖမ်းဆီး ထိန်းသိမ်းခံခဲ့ရပြီးမှ ပြည်နှင်ဒဏ်နဲ့ပြန်လည်လွတ်မြောက်ခဲ့တဲ့သူ ဖြစ်ပါတယ်။Danny Fenster ဟာ အကျဉ်းထောင်မှာ နေထိုင်စဉ်ကာလတွေမှာ စိတ်တွေပင်ပန်းဆင်းရဲလွန်းလို့ ရူးမတတ်တောင် ဖြစ်ခဲ့တယ်လို့ ဆိုပါတယ်။ အကျဉ်းထောင်ထဲမှာ ၆ လ ကြာနေထိုင်ခဲ့ရတဲ့ Danny Fenster ဟာ ထောင်တွင်းသူငယ်ချင်းတွေလည်း ရရှိခဲ့ပါတယ်။
![](https://s9.kh1.co/73/7363e6e1ccf608feb8db51c04105d3aeac1c5851.jpg)
![](https://s9.kh1.co/a8/a81e0cd50e7eddc0e9f53675ba1651dce9bad6c9.jpg)
![](https://s9.kh1.co/7b/7b588ad3bdd0d687d543e8bc84192e727a1cea1c.jpg)
Danny Fenster ဟာ သူပြန်လည်လွတ်မြောက်ခဲ့တဲ့နေ့မှာ ဦးထုပ်အနီလေးကို မချွတ်တမ်းတောက်လျှောက်ဝတ်ဆင်ခဲ့ပါတယ်။ မြန်မာနိုင်ငံက အထွက် အမေရိကန်နိုင်ငံရောက်တဲ့အထိ ဦးထုပ်အနီလေးကို လုံးဝမချွတ်ခဲ့ပါဘူး။ Danny Fenster တန်ဖိုးထား ဝတ်ဆင်ခဲ့တဲ့ ဦးထုပ်အနီလေးကလည်း သူ့အကြောင်းနဲ့သူရှိလို့ နေပါတယ်။
![](https://s9.kh1.co/f2/f2d75bf6b79c468c09e400994e4048ceb467e99d.jpg)
![](https://s9.kh1.co/cd/cdb672ae4af7349f22b46966ea502ca3a90c0a83.jpg)
အကြောင်းကတော့ အဲဒီ ဦးထုပ်အနီလေးဟာ အင်းစိန်ထောင်မှာ အကျဉ်းကျနေစဉ်ကာလတွေမှာ Danny Fenster အတွက် ထောင်တွင်းသူငယ်ချင်းဖြစ်သူမှ လက်ဆောင်ပေးထားတာလေးလို့ သိရပါတယ်။ ဒါကြောင့် Danny Fenster ဟာ အကျဉ်းထောင်ထဲမှ ဦးထုပ်အနီလေး လက်ဆောင်ပေးခဲ့တဲ့ သူငယ်ချင်းဖြစ်သူနဲ့ မြန်မာပြည်မှာ ကျန်ခဲ့တဲ့လုပ်ဖော်ကိုင်ဖက်များကို အောက်မေ့သတိရကြောင်း ပြသတဲ့အနေနဲ့ ဦးထုပ်အနီလေးကို လုံးဝ မချွတ်တမ်း ဝတ်ဆင်ထားခဲ့တာလို့ သိရပါတယ်။
![](https://s9.kh1.co/43/4363f40b31c37fa67fcca168b0cb230693f47575.jpg)
အမေရိကန် သတင်းသမား Danny Fenster ကို နိုဝင်ဘာလ ၁၁ ရက်နေ့တုန်းက တရားရုံးမှ ရာဇသတ်ကြီး ဥပဒေပုဒ်မ ၅၀၅ (က) ၊ မတရားအသင်းဆက်သွယ်မှုဥပဒေပုဒ်မ၁၇(၁)၊ လူဝင်မှုဥပဒေပုဒ်မ၁၃(၁) အမှု၃ခုအတွက် ထောင်ဒဏ်၁၁နှစ်ချမှတ်ခဲ့တာဖြစ်ပါတယ်။ ပြီးခဲ့တဲ့ နိုဝင်ဘာလ၁၅ရက်နေ့မှာတော့ Danny Fenster ကို လွတ်ငြိမ်းဖြင့်ပြန်လွှတ်ပေးလိုက်ပြီး တစ်ခါတည်းပြည်နှင်ဒဏ်ပါ ပေးခဲ့တာပဲဖြစ်ပါတယ်။
Source - Sayar Nay Thway
![](https://s9.kh1.co/ea/ea721f6211bd9cd1228697ab1d13b5c4f10825d4.jpg)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။