အိမ်ခြေ ၁၅၀ စာအတွက် အခြေခံစားသောက်ကုန်များကို လှူဒါန်းပေးခဲ့တဲ့ ပရဟိတ မင်းသမီးခိုင်နှင်းဝေ

အားလုံးချစ်ခင်လေးစားကြတဲ့ ပရဟိတမင်းသမီးခိုင်နှင်းဝေက ဒီတစ်ခေါက်မှာလည်း ဆင်းရဲနွမ်းပါးပြီး အခက်အခဲ ဖြစ်နေတဲ့ အိမ်ခြေ ၁၅၀ စာအတွက် မွန်မြတ်တဲ့ အလှူလေးတစ်ခု ပြုလုပ်ပေးခဲ့ပါတယ်။ အိမ်ခြေ ၁၅၀ စာအတွက် တစ်အိမ်ထောင်လျှင် အလှူငွေ ၅ ထောင်ကျပ်၊အခြေ ခံစားသောက်ကုန်ဖြစ်တဲ့ ဆန် ၊ကော်ဖီမစ်၊အားဖြည့် အချိုရည်များကို လှူဒါန်းပေးခဲ့တယ်လို့ သိရှိရပါတယ်။ခိုင်နှင်းဝေရဲ့  ဒီအလှူဒါနဟာ ခုနှစ်ရက်သားသမီးများအားလုံးရဲ့ ဒါနကုသိုလ်ဖြစ်တာကြောင့် သာဓုခေါ်ဆိုပေးဖို့ကိုလည်း သူမရဲ့လူမှုကွန်ယက်စာမျက်နှာပေါ်မှာ မျှဝေလာခဲ့ပါတယ်။

ပရဟိတ မင်းသမီးခိုင်နှင်းဝေဟာ အလှုအတန်းများကို ကိုယ်တိုင်ကိုယ်ကျ သွားရောက်လှုဒါန်းသူ တစ်ဦးလည်း ဖြစ်ပါတယ်။သူမဟာ ခိုကိုးရာမဲ့ ဖြစ်​နေတဲ့ ကလေးလေးတွေအတွက် ခိုင်နှင်းဝေ ရင်သွေးလေးများ ဂေဟာကို ထူထောင်ထားပြီး ခိုကိုးရာမဲ့ ဖြစ်နေတဲ့ ကလေးလေးတွေကို အဖေလိုရော အမေလိုရောပါ မေတ္တာတွေပေးပြီး စောင့်ရှောက်ပေးနေသူတစ်ဦးလည်းဖြစ်ပါတယ်။

ခိုင်နှင်းဝေဟာ အနုပညာလောကမှာလည်း သူမရဲ့ထူးချွန်ပြောင်မြောက်လှတဲ့ သရုပ်ဆောင်ကောင်းမှုတွေကြောင့် နေရာတစ်ခုကိုရရှိထားပြီး ပရိတ်သတ်တွေရဲ့ အားပေးချစ်ခင်မှုကို ရရှိထားတဲ့ မင်းသမီးတစ်လက်လည်း ဖြစ်ပါတယ်။သူမဟာ မွေးရာပါရောဂါများပါလာတဲ့မွေးကင်းစ ကလေးလေးတွေအတွက်လည်း ဆေးကုသစာရိတ်များလှူဒါန်းပေးနေသူတစ်ဦးလည်း ဖြစ်ပါတယ်။

ခိုင်နှင်းဝေဟာ ဆင်းရဲနွမ်းပါးပြီး အခက်အခဲတွေနဲ့ ရင်ဆိုင်နေရတဲ့ သူများအတွက်ကိုလည်း သူမတတ်နိုင်သလောက် အလှူငွေများ၊အခြေခံစားသောက်ကုန်များကို မကြာခဏ လှူဒါန်းပေးလေ့ရှိသူ တစ်ဦးလည်း ဖြစ်ပါတယ်။ခိုင်နှင်းဝေရဲ့ အလှူပုံရိပ်များကို ပရိတ်သတ်တို့ ဝမ်းသာပီတိဖြစ်စေဖို့အတွက် ပြန်လည် တင်ဆက်ပေးလိုက်ရပါတယ်။