တန်ဆောင်တိုင်စတုဒိသာ အလှူလေးတွေ စတင်နေပြီဖြစ်တဲ့မွန်ပြည်နယ်မှပုံရိပ်များ

တန်ဆောင်တိုင်စတုဒိသာ အလှူဆိုတာ အလှူပေးရတာဝါသနာပါတဲ့ မြန်မာလူမျိုးတွေနဲ့ မစိမ်းကားတဲ့အရာပါ။မွန်ပြည်နယ်မှာလည်း တန်ဆောင်တိုင်စတုဒိသာအလှူလေးတွေကို နိုဝင်ဘာလ၁၃ရက်နေ့ကစပြီး ကျွေးမွေးလေ့ရှိတယ်လို့သိရပါတယ်။ 

အခုအလှူပြုလုပ်နေတဲ့ ပုံရိပ်လေးတွေကတော့ မွန်ပြည်နယ် ၊ ပေါင်မြို့ ၊မိုးနှိုင်းရပ်ကွက်၊ နယ်ခြား ကွက်သစ်မှာရှိတဲ့ ဝရဇိန်(ပေါင်) ဆွမ်းလောင်း အသင်းရုံး ရှေ့မှာလို့ သိရပါတယ်။စတုဒိသာကျွေးဖို့ပြင်ဆင်နေတဲ့မုန့်လေးတွေက မုန့်အုပ်ကလေးတွေဖြစ်ပါတယ်။ 

အခုလို စတုဒိသာ အလှူလေးတွေကို ဒီကနေ့ နိုဝင်ဘာလ ၁၃ ရက်နေ့မှာ စတင်ကျွေးခဲ့တာဖြစ်ပြီး မနက်ဖြန်နိုဝင်ဘာလ၁၄ရက်နေ့ ညနေပိုင်းမှာရော၊ နိုဝင်ဘာလ၁၅ရက်နေ့ညနေပိုင်းမှာရော ထပ်မံကျွေးမွေးလှူဒါန်းသွားမယ်လို့ သိရပါတယ်။ရိုးရှင်းတဲ့ စတုဒိသာအလှူဓာတ်ပုံ ပုံရိပ်လေးတွေကိုအားလုံးပဲ ကြည့်ရှုနိုင်အောင်ဖော်ပြပေးလိုက်ရပါတယ်။