နာမည်ကြီး ဟောလိဝုဒ်သရုပ်ဆောင်တစ်ယောက်ဖြစ်သလိုစီးပွားရေးပညာရှင်အနေနဲ့ပါ နာမည်ကြီးတဲ့Paris Hilton ဟာ သူမချစ်ရသူCarter Reum နှင့်နိုဝင်ဘာလ၁၁ရက်နေ့တုန်းကလက်ထပ်ခဲ့တာဖြစ်ပါတယ်။သူမနှင့်Carter Reum တို့ဟာ၂၀၁၉ခုနှစ်၊ကျေးဇူးတော်နေ့မှာ ကတည်းက စတင်တွဲခဲ့ကြတာဖြစ်ပြီး၂၀၂၁ခုနှစ်ဖေဖော်ဝါရီ၁၃ရက်နေ့မှာ စေ့စပ်ခဲ့ကြတာလို့သိရပါတယ်။
Hilton ဟာ သူမရဲ့လက်ထပ်ပွဲပုံရိပ်လေးတွေကို"ကျွန်မရဲ့ထာဝရနေ့ရက်တွေဟာ ဒီနေ့မှစတင်ခဲ့ပါပြီ" ဆိုတဲ့ခေါင်းစဉ်လေးနဲ့တင်ခဲ့တာဖြစ်ပါတယ်။မင်္ဂလာပွဲမတိုင်ခင်ညမှာပဲHilton ဟာ သူမရဲ့မင်္ဂလာဝတ်စုံကို ရွေးခဲ့တာလို့ နီးစပ်သူများရဲ့ပြောဆိုချက်အရသိရပါတယ်။
Hilton ဟာသူမရဲ့မင်္ဂလာပွဲကအတွေ့အကြုံလေးတွေကိုအခုလိုဝေမျှခဲ့ပါတယ်။
"မင်္ဂလာပွဲမှာတုန်းကကျွန်မCarter ကိုအရင်ငိုခိုင်းခဲ့တယ်။ဘာလို့ဆိုကျွန်မအရင်စငိုရင်ကျွန်မမိတ်ကပ်တွေပျက်ကုန်မှာလေ။လမ်းတောင်
မလျှောက်ရသေးပဲမိတ်ကပ်ပျက်လို့မဖြစ်ဘူး"
"သူအရင်စငိုပေးခဲ့ပါတယ်။ဒါပေမယ့်ကျွန်မအရင်ငိုခဲ့သင့်တာလို့တော့ထင်မိပါတယ်"
Hilton ဟာCarter နဲ့လက်မထပ်ခင်တုန်းက အခြားသူတွေနဲ့ ၃ ကြိမ်တိတိ စေ့စပ်ပွဲဖျက်သိမ်းခဲ့ဖူးတဲ့ သူဖြစ်ပါတယ်။Carter နဲ့ကျမှ အတည်လက်ထပ်ယူခဲ့တာပါ။
Hilton ဟာ သရုပ်ဆောင်၊အဆိုတော်၊စီးပွားရေးပညာရှင်၊ဒီဂျေ စတဲ့အလုပ်မျိုးစုံကို ဘက်စုံထူးချွန်စွာ ဆောင်ရွက်နိုင်တဲ့သူဖြစ်ပြီး သူမရဲ့ အသက်ဟာ၄၀ရှိပြီပဲဖြစ်ပါတယ်။ Hilton နဲ့Carter တို့ရဲ့ ခမ်းနားတဲ့မင်္ဂလာပွဲကြီးအတွက်စုစုပေါင်းအမေရိကန်ဒေါ်လာ၆၁.၅သန်း ကုန်ကျခဲ့တယ်လို့သိရပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
