ထောင်ထဲရောက်ရှိနေတဲ့ သရုပ်ဆောင်ရဲတိုက်ရဲ့ အခြေအနေကို သတင်းစကားပါးပေးလိုက်တဲ့ ဆာတိုရီရုပ်ရှင်နှင့်ဗီဒီယိုထုတ်လုပ်ရေးပိုင်ရှင်ကိုမျိုးဇော်

အင်းစိန်ထောင်ထဲမှာ အဖမ်းဆီးခံထားရတဲ့ သရုပ်ဆောင်ရဲတိုက်ရဲ့ အခြေအနေကို ဆာတိုရီရုပ်ရှင်နှင့်ဗီဒီယိုထုတ်လုပ်ရေးပိုင်ရှင် ကိုမျိုးဇော်က ပရိသတ်တွေ သိစေရန်ယမန်နေ့နိုဝင်ဘာလ၁၂ရက်နေ့က သူ့ရဲ့လူမှုကွန်ရက်စာမျက်နှာပေါ်မှာသတင်းစကားပါးပေးခဲ့ပါတယ်။

သရုပ်ဆောင်ရဲတိုက်ဟာ အင်းစိန်အကျဉ်းထောင်ထဲမှာ ကျန်းမာရေး ကောင်းမွန်လျှက်ရှိပြီး၅၀၅ကနှင့်၁၆ဂအမှုနှစ်မှုကိုစစ်ဆေးစီရင်ခံရလျှက်ရှိကြောင်း ကိုမျိုးဇော်က အခုလိုပြောထားပါတယ်။

"ရဲတိုက်ကိုချစ်ခင်ကြတဲ့အနုပညာပရိတ်သတ်များကိုသတင်းစကားပါးချင်ပါတယ်

ရဲတိုက်ဟာအင်းစိန်​ထောင်အတွင်းမှာ

ကျန်းမာ​ရေး​ကောင်းမွန်လျက်ရှိပါ​ကြောင်း

အသိ​ပေးအပ်ပါသည်။

၅၀၅ကနှင့်၁၆ဂနှစ်မှုကို​ထောင်တွင်းတရားရုံးမှာ

စစ်​ဆေးစီရင်ခံရလျက်ရှိပါသည်။

​ထောင်သို့ပို့​ဆောင်သည့်​နေ့မှယ​နေ့တိုင်မိသားစုနှင့်​တွေ့ဆုံမြင်​တွေ့ခွင့်မရရှိပါ။​ထောင်မှလွတ်​မြောက်ခြင်းမရှိ​သေးပါ။"

သရုပ်ဆောင်ရဲတိုက်ဟာ စစ်အာဏာရှင်ဆန့်ကျင်ရေးဆန္ဒပြပွဲတွေမှာ ရှေ့တန်းကနေတက်ကြွစွာ ပါဝင်ခဲ့ပြီးနောက်မှာတော့၂၀၂၁ခုနှစ်ဧပြီလအတွင်းမှာ ရန်ကုန်မြို့၊သမိုင်းလမ်းဆုံမှာ ဖမ်းဆီးခံခဲ့ရတာဖြစ်ပါတယ်။သရုပ်ဆောင်ရဲတိုက်အမြန်ဆုံးပြန်လည်လွတ်မြောက်လာစေဖို့အတွက်လည်း ပရိသတ်တွေကဝိုင်းဝန်းဆုတောင်းပေးထားကြပါတယ်။