မိန်းမဖြစ်သူကိုယ်စားကလေးထိန်းတာနဲ့ အိမ်အလုပ်တွေအားလုံး လုပ်ပေးရတယ်ဆိုတဲ့Ki Tae Young

တောင်ကိုရီးယားမင်းသားKi Tae Young ဟာKBS2 ရဲ့"Stars" 'Top Recipe at Fun-Staurant' အစီအစဉ်မှာအလုပ်မအားတဲ့ ဇနီးဖြစ်သူအကြောင်း ထုတ်ဖော်ပြောခဲ့တာပဲဖြစ်ပါတယ်။

သူ့ရဲ့ဇနီးသည်ဖြစ်သူဟာ  Penthouse ဇာတ်လမ်းရိုက်ကူးနေတဲ့ ကာလတွေမှာဆိုရင်အိမ်ကိုတောင်ပြန်မလာနိုင်ဘူးလို့Ki Tae Young က ဆိုပါတယ်။ဇနီးသည်ပြန်မလာနိုင်တဲ့အချိန်တွေမှာဆိုရင်Ki Tae Young တစ်ယောက်အိမ်အလုပ်တွေလုပ်၊ထမင်းဟင်းချက်၊ကလေးထိန်းအားလုံးကိုတစ်ယောက်တည်း လုပ်ရတယ်လို့ ဆိုပါတယ်။ 

" Eugene က အရမ်းအလုပ်မအားဖြစ်နေလို့ ကျွန်တော်သူ့ကို၆လ၇လလောက်မတွေ့ခဲ့တဲ့အချိန်တွေရှိတယ်။အဲဒီအချိန်တွေတုန်းက သူတစ်ရက်လေးတောင်မှ အနားမရဘူး။ဒါကြောင့်အားနေတဲ့ ကျွန်တော်ကပဲ ကလေးထိန်းတာ အိမ်အလုပ်လုပ်တာတွေ လုပ်ခဲ့ရတယ်။"

"ကျွန်တော်တို့လက်ထပ်တုန်း ကတည်းက နှစ်ယောက်ဆုံးဖြတ်ခဲ့တာ။အိမ်အလုပ်တွေ အတူတူမျှလုပ်ကြမယ်ဆိုပြီးပေါ့။ကျွန်တော့် မိန်းမအလုပ်မအားရင်ကျွန်တော်ကအိမ်အလုပ်ကလေးထိန်းတာတွေလုပ်တယ်။ကျွန်တော်မအားရင်ကျွန်တော့်မိန်းမက အိမ်အလုပ်ကလေးထိန်းတာတွေလုပ်မယ်အဲ့လိုမျိုးပါ။ဒါပေမယ့်အမှန်အတိုင်း ပြောရရင်ကျွန်တော်လုပ်ရတာပိုများပါတယ်" 

မင်းသားKi Tae Young ဟာမင်းသမီးEugene နှင့်၂၀၁၁ခုနှစ်မှာလက်ထပ်ခဲ့ပြီးRohee (၇နှစ်) နှင့်Rorin (၄နှစ်) သမီးလေး ၂ယောက် ကို ရရှိပိုင်ဆိုင်ထားပါတယ်။

မင်းသမီးEugene အလုပ်မအားတဲ့ ကာလတွေမှာKi Tae Young ဟာသမီးနှစ်ယောက်ကို အဝတ်ဝတ်ပေး၊ရေချိုးပေး၊ကျောင်းပို့ပေး၊ဟင်းချက်၊အိမ်သန့်ရှင်ရေးတွေလုပ်ပေးရတယ်လို့ဆိုပါတယ်။သမီးနှစ်ယောက်နဲ့အိမ်ရှင်ထီး အလုပ်တွေလုပ်ပေးရတယ်ဆိုပေမယ့်ဇနီးဖြစ်သူကို နောက်ထပ်၃ယောက်မြောက်ကလေးတစ်ယောက်လောက်ထပ်လိုချင်သေးတယ်လို့Ki  Tae Young ကသူ့မိန်းမကို တောင်းဆိုထားပါသေးတယ်။Ki  Tae Young ကတော့ အိမ်ရှင်ထီးလုပ်ရတာတော်တော်ကြွေနေတဲ့ပုံပဲနော်..