ပန်းရောင်းနေတဲ့ အဘွားဆီကပန်းတွေအကုန်လုံး ဝယ်ယူလှူဒါန်းပေးလိုက်တဲ့လူရွှင်တော်မိုးစက်

လူရွှင်တော်မိုးစက်ဟာ အလုပ်ကိစ္စတစ်ခုကြောင့်လူရွှင်တော်ကြီးမိုးဒီဆီကို ရောက်နေတဲ့အချိန်မှာ ဘုရားပန်းရောင်းနေတဲ့အသက်၆၄နှစ်အရွယ်အဘွားတစ်ယောက်နဲ့ တွေ့ရှိခဲ့တယ်လို့သိရပါတယ်။အဘွားဟာ အသက်ကြီးသော်လည်း မပင်မပန်းဘုရားပန်းတောင်းကြီး ခေါင်းပေါ်ရွက်ကာတစ်လမ်းဝင်တစ်လမ်းထွက်ဘုရားပန်းရောင်းနေခဲ့တာပါ။ 

ဘုရားပန်းဆိုတဲ့အရာက နေမြင့်လေလေပို့ပြီးနွမ်းလာလေလေဖြစ်ပြီး အကျန်တွေကိုလည်း နောက်ရက်တွေဆက်ပြီး ရောင်းလို့မကောင်းတော့ပါဘူး။ဒါကြောင့်ဘုရားပန်းသည်အဘွားဆီကပန်းတွေအားလုံးကို လူရွှင်တော်မိုးစက်က ဝယ်ယူအားပေးခဲ့တာဖြစ်တယ်လို့သိရပါတယ်။ဘုရားပန်းတန်ဖိုးက၁သောင်းပဲရှိပေမယ့်လှူဒါန်းငွေအနေနဲ့ပါ၅သောင်းပေးခဲ့တယ်လို့လူရွှင်တော်မိုးစက်က သူ့ရဲ့လူမှုကွန်ရက်စာမျက်နှာမှာ အခုလိုတင်ထားပါတယ်။ 

အလုပ်ကိစ္စနဲ့တစ်ခုနဲ့ဖေကြီးဦးမိုးဒီအိမ်

စောစောလေးရောက်နေချိန်...

ဘုရားပန်းဆိုတဲ့အော်သံကြားတော့ 

အိမ်ရှေ့ထွက်ကြည့်ချိန်မှာ...

ဘုရားပန်းနည်းနည်းလေးကိုဒန်ဇလားထဲထည့်ပြီး

ရောင်းနေတဲ့အသက်(၆၄)နှစ်အရွယ်

အဘွားတစ်ယောက်ကိုတွေ့လိုက်တယ်။

ဖေကြီးခဏနော်သားလှူဖို့ကြည့်လိုက်ဦးမယ်ဆိုတော့ဖေကြီးဦးမိုးဒီလဲစိတ်ဝင်စားပြီး

အိမ်ရှေ့ထွက်လိုက်လာတယ်။

"အဘွားပန်းရောင်းရရဲ့လား...."

"သိပ်မရောင်းရလို့လက်ကျန်လေးတွေ

ရောင်းနေတာပါ....

ဘုရားပန်းဆိုတာ..အမြတ်ကျန်တဲ့ 

ပန်းလေးတွေညှိူးကုန်ရင်ရှူံးရောသားရယ်..."

"ဒီပန်းတွေအကုန်လုံးကို 

ဘယ်လောက်ရှိလဲအဘွား..."

"သားအကုန်လုံးယူမယ်ဆိုရင် 

၁သောင်းဘဲပေးပါသားရယ်...."

"ဟုတ်ကဲ့ရော့...၅သောင်း..."

"ဟာ...အများကြီးဘဲဝမ်းသာလိုက်တာရှင်..."

"အခုလိုဝမ်းသာရအောင်

ကာလဒါနလေးလှူပေးတာပေါ့ဗျာ..."

"ကျေးဇူးတင်ပါတယ်...

ကျွန်မမှာ​မြောက်ဒဂုံကလာရောင်းရတာ

အခုရက်ပိုင််းထဲသိပ်မရောင်းတော့

စိတ်ညစ်နေတာ..အခုတော့

အရမ်းဝမ်းသာရပါပြီကွယ်..."

ဖေကြီးဦးမိုးဒီကလဲ...

"ကဲအစ်မကြီးဒီထပ်အရောင်းအဝယ်တွေ

ကောင်းပါစေဗျာ..."ဆိုပြီး

ဆုတွေပေးလိုက်ပါသေးတယ်။

ဘုရားပန်းတွေလဲ 

ဖေကြီးဦးမိုးဒီအိမ်အတွက်ခွဲဝေပေးလိုက်တော့

"အဖေကြီးတို့ပါပျော်ပြီးကြည်နူးနေရပြီသားရေ"တဲ့

ဖြတ်ခနဲမြင်တွေ့ရပြီး

လှူလိုက်ရတဲ့အလှူကဘယ်အရာနဲ့မှ

တန်ဖိုးဖြတ်လို့မရပါဘူးဗျာ...။

ကျွန်တော်လှူတိုင်း

ဝိုင်းဝန်းလှူဒါန်းပေးကြတဲ့

မိတ်ဆွေများလဲကျေးဇူးအထူးတင်လျက်ပါခင်ဗျာ။

လူရွှင်တော်မိုးစက်ဟာအခုလိုမျိုးအကူအညီလေးတွေကိုသူ့ရဲ့လူမှုကွန်ရက်စာမျက်နှာကတစ်ဆင့်လာရောက်လှူဒါန်းကြတဲ့အလှူရှင်တွေကိုယ်စားလှူဒါန်းပေးတာဖြစ်တယ်လို့သိရပါတယ်။လူရွှင်တော်မိုးစက်ကနေတစ်ဆင့်လှူဒါန်းချင်တယ်ဆိုရင်သူ့ရဲ့လူမှုကွန်ရက်စာမျက်နှာလေးကတစ်ဆင့်သွားရောက်စုံစမ်းကြည့်နိုင်ပါတယ်နော်။