မွေးလမ်းကြောင်း မိန်းမအင်္ဂါ မပါတာကို စစ်ဆေးတွေ့ရှိမိခဲ့လို့ ကလေးလေးနှစ်ယောက်ကိုကျန်းမာရေးဆေးစစ်ပေးခဲ့တဲ့ ခိုင်နှင်းဝေ

ခိုင်နှင်းဝေကတော့ ပရဟိတအလုပ်တွေနဲ့ အားတက်တရော ကောင်းမွန်တဲ့လောကကြီးတစ်ခု ဖြစ်လာဖို့အတွက် တစ်ထောင့်တစ်နေရာကနေ ပါဝင်ပေးနေသူတစ်ဦးဆိုလည်း မမှားပါဘူး။ခိုင်နှင်းဝေဟာ အနုပညာလောကမှာလည်း သူမရဲ့ ပြောင်မြောက်လှပြီးထူးချွန်တဲ့ သရုပ်ဆောင်မှုတွေကြောင့် ပရိတ်သတ်တွေရဲ့ အားပေးမှုကို ရရှိထားတဲ့တဲ့ အနုပညာရှင်တစ်ဦး ဖြစ်သလို အခက်အခဲ ဖြစ်နေတဲ့ လူတိုင်းကိုလည်း တတ်နိုင်သမျှ ကူညီပေးတတ်သူတစ်ဦးဖြစ်တာကြောင့် ပရိတ်သတ်တွေရဲ့ လေးစားမှုကို ရရှိထားသူတစ်ဦးလည်း ဖြစ်ပါတယ်။

သူမဟာ ယခုလက်ရှိမှာ ခိုကိုးရာမဲ့ဖြစ်နေတဲ့ ကလေးလေးတွေအတွက် ခိုင်နှင်းဝေ ရင်သွေးလေးများဂေဟာကို ထူထောင်ထားတဲ့အပြင် ဂေဟာမှာရှိတဲ့ ကလေးလေးတွေကိုလည်း မေတ္တာတရားအပြည့်ပေးနေသူတစ်ဦးလည်း ဖြစ်ပါတယ်။ဂေဟာမှာရှိတဲ့ ကလေးလေးတွေနဲ့ ခိုင်နှင်းဝေတို့ တွဲရိုက်ထားတဲ့ပုံလေးတွေဟာ ဘယ်ပန်းချီရေးလို့မမှီလောက်အောင်ကို သက်ဝင်ပီပြင်လှပါတယ်။

ခိုင်နှင်းဝေဟာ ဒီတစ်ခေါက်မှာလည်း သူမရဲ့ဂေဟာမှာ ရှိတဲ့သမီးလေး နှစ်ယောက်မှာ မွေးလမ်းကြောင်း မိန်းမ မပါတာကို စစ်ဆေးမိတဲ့အတွက် ကလေးလေးတွေကို ပါရမီအထူးကုဆေးရုံကြီးမှာ သွားရောက်ပြသပေးပြီး လိုအပ်တာမှန်သမျှကို ပြုလုပ်ပေးထားတယ်လို့ဆိုပါတယ်။

သူမရဲ့ ကလေးလေးတွေအတွက် အမြဲတမ်းစမ်းသပ်ခမယူတဲ့ ကလေးအထူးကု ဆရာဝန်မကြီးကိုလည်း ကျေးဇူးတင်ကြောင်း သူမရဲ့လူမှုကွန်ယက်စာမျက်နှာပေါ်မှာ ရေးသားထားပြီး ကလေးလေးနှစ်ယောက်ဟာ ကုသစဥ်မှာ နည်းနည်းလေး အီစိမ့်ဖြစ်သွားပေမဲ့လည်း အခုတော့ သက်သာနေပါပြီလို့လည်း သူက ဆိုထားပါတယ်။

ကလေးလေးနှစ်ယောက်နဲ့ခိုင်နှင်းဝေတို့ ရဲ့ ကြည်နူးစရာကောင်းတဲ့ပုံရိပ်လေးတွေကို သူမကိုချစ်တဲ့ပရိတ်သတ်တွေအတွက် ပြန်လည်ကူးယူတင်ဆက်ပေးလိုက်ပါတယ်။