နာမည်ကျော်သရုပ်ဆောင်လင်မယားဖြစ်ကြပေမယ့်ပေါ်ပေါ်ထင်ထင်နေရတာ မကြိုက်တဲ့ မင်းသားWon Bin နှင့်မင်းသမီးLee Na Young

တောင်ကိုရီးယား သရုပ်ဆောင် မင်းသားကြီးWon Bin နှင့်မင်းသမီး Lee Na Young တို့ဟာ လက်ထပ်ထားကြတဲ့ နာမည်ကြီး မင်းသားမင်းသမီးစုံတွဲလေး ဖြစ်ကြပေမယ့် သူတို့နှစ်ယောက်ရဲ့အကြောင်းအရာတွေကို လူသိရှင်ကြား ထုတ်ဖော်ပြောကြားရတာကို မကြိုက်ကြပါဘူး။ ခမ်းခမ်းနားနား ကြီးကြီးကျယ်ကျယ်တွေမကြိုက်ဘဲ သိုသိုသိပ်သိပ်လေး နေရတာ သဘောကျတဲ့သူတို့နှစ်ယောက်ဟာ အသွင်သူလို့ အိမ်သူဖြစ်လာကြတာဆိုရင် ပိုပြီးမှန်ပါလိမ့်မယ်။ 

သူတို့အတွဲလေးဟာ အရမ်းချစ်ကြတဲ့ စုံတွဲလေးလို့ လူသိများခဲ့ပေမယ့် တကယ်တမ်း လက်ထပ်ကြတဲ့အချိန်မှာတော့ ပရိသတ်တွေတောင် မသိလိုက်ကြပါဘူး။တကယ့်ကိုနာမည်ကြီး မင်းသားမင်းသမီးတွေ လက်ထပ်ခဲ့ကြတာနဲ့ မတူလောက်အောင်ကို တိုးတိုးတိတ်တိတ် လက်ထပ်ခဲ့ကြတာပါ။

မင်းသားWon Bin နှင့်မင်းသမီးLee Na Young တို့ဟာ၂၀၁၃ခုနှစ်မှာတရားဝင်တွဲနေကြောင်းကြေညာခဲ့တာဖြစ်ပါတယ်။တွဲပြီး၃နှစ်အကြာမှာလက်ထပ်ခဲ့ကြတာပါ။သူတို့နှစ်ယောက်မင်္ဂလာပွဲလေးကို၅လပိုင်း၊၂၀၁၅ခုနှစ်မှာမင်းသားWon Bin ရဲ့မွေးရပ်ဖြစ်တဲ့Jeongseon မှာရိုးရှင်းစွာကျင်းပခဲ့ပါတယ်။

မင်္ဂလာပွဲကျင်းပချိန်မှာလည်း တချို့ပရိသတ်တွေတောင် မသိသွားခဲ့ကြပါဘူး။မင်္ဂလာပွဲကို စုစုပေါင်းလူအယောက်၅၀လောက်နဲ့သာ ကျင်းပခဲ့တာဖြစ်ပါတယ်။လူအယောက်၅၀ကလည်း အပြင်လူမဟုတ်ဘဲ နှစ်ဦးနှစ်ဖက်ဆွေမျိုးတွေပါ။ဒါကြောင့်သူတို့စုံတွဲကို သီးသန့်ဆန်ရတာကြိုက်တဲ့စုံတွဲလေးလို့ ပရိသတ်တွေကခေါ်ကြပါတယ်။

လူမသိသူမသိလက်ထပ်ပွဲလေးကျင်းပပြီးတဲ့နောက်မှာ တော့သူတို့နှစ်ယောက်ဟာ အနုပညာအလုပ်တွေ ဆက်လုပ်ခဲ့ကြပါတယ်။ဒီဇင်ဘာလ၊၁၉ရက်နေ့၊၂၀၁၅ခုနှစ်မှာပထမဆုံးသားဦးလေးကို ရရှိပိုင်ဆိုင်ခဲ့ပါတယ်။ 

ပုဂ္ဂိုလ်ရေးကိစ္စတွေကို လူသိရှင်ကြားမကြေညာတတ်ပေမယ့်မင်းသားWon Bin နှင့်မင်းသမီးLee Na Young တို့စုံတွဲလေးဟာ တစ်ယောက်ကိုတစ်ယောက် အရမ်းကိုချစ်ကြပီးနာမည်ပျက်မကောင်း သတင်းလုံးဝကိုထွက်မလာတဲ့ တောင်ကိုရီးယားရဲ့ နာမည်ကြီးစံပြစုံတွဲလေးထဲက တစ်တွဲဖြစ်နေတုန်းပါပဲ။