တွဲလိုက်ပြတ်လိုက်နဲ့လက်ထပ်ဖြစ်ခဲ့ကြတဲ့ တောင်ကိုရီးယားသရုပ်ဆောင် Lee Byung Hun နှင့် Lee Min Jung တို့စုံတွဲ

တောင်ကိုရီးယား သရုပ်ဆောင်မင်းသမီးLee Min Jung နှင့်Lee Byung Hun တို့ဟာ လက်မထပ်ခင်မှာ ၃နှစ်တိတိလမ်းခွဲခဲ့ကြတဲ့ သူတွေဖြစ်ပါတယ်။ဒီအကြောင်းကိုJTBC ရဲ့Gamsung Camping မှာ မင်းသမီး Lee  Min Jung က ထုတ်ဖော်ပြောကြားဖူးပါတယ်။ 

Lee Min Jung ဟာမင်းသား Lee Byung Hun နှင့်သူမအသက်၂၅နှစ်မှာ စတင်တွဲခဲ့တာဖြစ်ပါတယ်။တွဲခဲ့ပြီးတော့ သူမရဲ့ အသက်မွေးဝမ်းကြောင်းလုပ်ငန်းကို ရုပ်ရှင်မင်းသမီးလုပ်မယ်လို့ ရွေးချယ်ခဲ့တာကြောင့်သူတို့နှစ်ဦးဇာတ်လမ်းကို အဆုံးသတ်ခဲ့ရတယ်လို့ ပြောပါတယ်။

" ကျွန်မတို့တွဲတာ တစ်နှစ်ရှိနေတဲ့အချိန်မှာပေါ့နော်..  Byung Hun ကလည်းနိုင်ငံခြားမှာအကြာကြီးရုပ်ရှင်သွားရိုက်ရမယ်။ကျွန်မကလည်း အနုပညာလောကထဲ စဝင်မှာဆိုတော့အာရုံစိုက်ရမယ်။ ဒါကြောင့်သူက ပြောတယ်။"မင်းလက်ထပ်ဖို့အဆင်သင့်မဖြစ်သေးဘူး မဟုတ်လား" တဲ့.. ဒီလိုနဲ့ကျွန်မတို့တစ်ယောက်နဲ့တစ်ယောက်  မတွေ့ဖြစ်ကြတော့ဘူး။"

— Lee Min Jung

အဲဒီအချိန်တုန်းက မင်းသမီးLee Min Jung ကသူမနှင့်  Lee Byung Hun တို့ ဝေးသွားကြပြီလို့ မျှော်လင့်ခဲ့တယ်လို့သိရပါတယ်။၃နှစ်ကြာပြီးတဲ့နောက်မှာတော့ Lee Byung Hun ကသူတို့ရဲ့ဆက်ဆံရေးကို ပြန်လည်အသက်သွင်းခဲ့တာကြောင့်နောက်တစ်ကြိမ်ထပ်ပြီး ပြန်ဆက်ဖြစ်ခဲ့တယ်လို့ ပြောပါတယ်။

"Byung Hun နိုင်ငံခြားမှာရုပ်ရှင်ရိုက်ပြီးတော့ သူကျွန်မကိုပြောတယ်။ ကိုရီးယားပြန်ရောက်တာနဲ့ တွေ့ကြရအောင်တဲ့။ကျွန်မတို့ပြန်တွေ့ဖြစ်ကြတဲ့အချိန်က ၃နှစ်ကြာပြီးမှပါ။ပြန်တွေ့တွေ့ပြီး သိပ်မကြာခင်မှာ လက်ထပ်ဖြစ်ခဲ့ကြပါတယ်။

— Lee Min Jung

သူမဟာ တောင်ကိုရီးယားမင်းသားLee Byung Hun နှင့်၂၀၁၃ခုနှစ်မှာ လက်ထပ်ဖြစ်ခဲ့ပါတယ်။လက်ထပ်တာနောက်ကျရတဲ့အကြောင်းအရင်းကလည်း သူမရဲ့မင်းသမီးဖြစ်လာချင်တဲ့ရည်ရွယ်ချက်ကြောင့်လို့ ဆိုထားပါတယ်။

အရိုးရှင်းဆုံး ပြောရရင်ကျွန်မလက်ထပ်တာကို အချိန်အကြာကြီးဆွဲထားမိတယ်။အဲဒီအချိန်တုန်းက ကျွန်မကအလုပ်တွေလည်း ဆက်လုပ်ဖို့ရှိနေသေးတယ်။Byung Hun ကပြောတယ်သူ့ကို လက်ထပ်ချင်လား။လက်မထပ်ချင်ဘူးလားတဲ့။ကျွန်မသာ လက်ထပ်ချင်တယ်ဆို သူစောင့်နေပေးပါမယ်တဲ့။ 

— Lee Min Jung

မင်းသမီးLee Min Jung ကို ဘာလို့မင်းသားByung Hun ကို လက်ထပ်ဖို့ရွေးခဲ့တာလဲဆိုတာကို မေးတဲ့အခါမှာလည်းအခုလိုဖြေထားပါတယ်။

ကျွန်မဘဝမှာ လူတစ်ယောက်ကို ထပ်ပြီးဒီလောက်အများကြီးချစ်နိုင်မယ်လို့ မမျှော်လင့်ထားပါဘူး။ကျွန်မက အလုပ်လုပ်ရတာကိုပဲ သဘောကျတာလေ။အခုပြန်တွေးကြည့်လိုက်တော့ကျွန်မလိုလူက အဲဒီအချိန်မှာ သာလက်မထပ်ဖြစ်ခဲ့ရင်ဘယ်တော့မှ လက်ထပ်ဖြစ်တော့မှာ မဟုတ်တော့ဘူးလို့ ထင်ပါတယ်။"

— Lee Min Sung

မင်းသမီးLee Min Sung နှင့်မင်းသားByung Hun တို့ရဲ့တကယ့် လက်တွေ့ဇာတ်လမ်းလေးကတော့ ရုပ်ရှင်တကားကြည့်နေရအောင်ကို ဆန်းကြယ်လွန်းလှပါတယ်။ မင်းသားကြီး  Byung Hun ကလည်း တကယ်သူ့ကောင်မလေးကို ချစ်ရှာတာ။ ရအောင်စောင့်ပြီးတော့ကို လက်ထပ်တာနော်။