အိမ်ထောင်သက် ၁၄ နှစ်ပြည့်မှာ ချစ်စရာဓာတ်ပုံလေးတွေ တင်ပေးလိုက်တဲ့ တောင်ကိုရီးယားမင်းသား Kwon Sang-woo တို့စုံတွဲ

အိမ်ထောင်သက် ၁၄ နှစ်သာပြည့်သွားပေမယ့် မင်းသား Kwon Sang-woo နှင့် ဇနီးသည် မင်းသမီး Son Tae-young တို့ကတော့ တကယ့်ကို ကြင်စဦးလေးတွေလိုပါပဲနော်။အောက်တိုဘာလ ၂၉ ရက်နေ့မှာ မင်းသမီး Son Tae-young က သူမရဲ့ SNS စာမျက်နှာမှာ -

“မထင်မှတ်ထားတဲ့  နေ့လည်စာတစ်ခုကို စားဖိုးမှူးတစ်ယောက်ဆီကနေ မြည်းစမ်းခွင့်ရခဲ့တယ်။ ရာသီဥတုလေးကလည်း ဆောင်းတွင်းမြမြလေး”

ဆိုတဲ့ စာသားလေးနဲ့အတူ အမေရိကန်နိုင်ငံ နယူးယောက်မြို့ မှာ ခင်ပွန်းဖြစ်သူ မင်းသား Kwon Sang-woo နှင့် တွဲရိုက်ထားတဲ့ ဓာတ်ပုံလေးတွေကို တင်ခဲ့ပါတယ်။

ဓာတ်ပုံလေးတွေက မင်းသား Kwon Sang-woo တစ်ယောက် ဇနီးသည်ဖြစ်သူကို ဖက်ထားပြီး ပန်းခြံတောက်လျှောက် ပျော်ရွှင်စွာ လမ်းလျှောက်နေကြတဲ့ပုံလေးတွေပါ။ လက်ထပ်ထားတာ ၁၄ နှစ်ကြာသွားပေမယ့် အခုထိ အချစ်တွေ နုပျိုလန်းဆန်းနေဆဲဖြစ်တဲ့ သူတို့လင်မယားနှစ်ယောက်ရဲ့ ပုံရိပ်လေးတွေက ပရိသတ်တွေကိုတောင် မနာလို ဖြစ်သွားစေပါတယ်။ 

Netizen တွေကလည်း အခုလို မှတ်ချက်တွေ ပေးထားကြပါတယ်။

“သူတို့နှစ်ယောက်ရဲ့ ဆက်ဆံရေးလေးက အရမ်းကို ကြည်နူးဖို့ကောင်းလိုက်တာ ” ၊ “အချစ်ငှက်စုံတွဲလေးပဲ” ၊ “ကောင်လေးကလည်း ချောချောလေး ကောင်မလေးကလည်း ချောချောလေး” ၊ “အရမ်းကိုလိုက်ဖက်ကြတယ်”  စသည့် မှတ်ချက်လေးတွေ အများကြီးပေးထားကြပါတယ်။

မင်းသား Kwon Sang-woo နှင့် မင်းသမီး Son Tae-young တို့ဟာ ၂၀၀၈ ခုနှစ် ၊ စက်တင်ဘာလ ၂၉ ရက်နေ့မှာ လက်ထပ်ခဲ့ကြတာဖြစ်ပြီး သားလေး Rukhee  နှင့် သမီးလေး  Riho နှစ်ယောက်ကိုလည်း ရရှိပိုင်ဆိုင်ထားပြီးဖြစ်ပါတယ်။