ဘိုးဘွားများ အယောက် ၅၀ စာအတွက် ဆေးဖိုးနဲ့ တုတ်ကောက်များ လှုဒါန်းပေးခဲ့တဲ့ ပရဟိတမင်းသမီး ခိုင်နှင်းဝေ

အလှူရေစက်လက်နဲ့မကွာလို့တောင် တင်စားရလောက်သည့် ပရဟိတ မင်းသမီးခိုင်နှင်းဝေကတော့ ဒီတစ်ခေါက်မှာလည်း ဘိုးဘွားများ အယောက် ၅၀ အတွက် တစ်ယောက်လျှင် ဆေးဖိုးအလှုငွေ ၁ သောင်းနဲ့ တုတ်ကောက်များကို ခုနှစ်ရက်သားသမီးများနဲ့ စုပေါင်းပြီး သူကိုယ်တိုင်  ကိုယ်တိုင်ကိုယ်ကျ သွားရောက်လှူဒါန်းခဲ့ပါတယ်။

တစ်ဦးကစေတနာ တစ်ဦးကမေတ္တာဆိုသလိုပဲ  ချစ်စရာကောင်းလွန်းလှတဲ့ အဖိုးအဖွားတွေကလည်း သူမကို ပြန်လည်ဆုတောင်းပေးတဲ့အတွက် သူမအနေနဲ့ ဝမ်းသာပီတိဖြစ်ရတယ်လို့ သူမရဲ့လူမှုကွန်ယက်စာမျက်နှာ​ပေါ်မှာ မျှဝေလာခဲ့ပါတယ်။

သူမဟာ ခိုင်နှင်းဝေ ရင်သွေးလေးများဂေဟာကို တည်ထောင်ထားပြီး ခိုကိုးရာမဲ့ဖြစ်နေတဲ့ ကလေးလေးတွေကို အဖေလိုရော အမေလိုရောပါ မေတ္တာတွေပေးနေသူတစ်ဦးလည်း ဖြစ်ပါတယ်။

ပရဟိတမင်းသမီးခိုင်နှင်းဝေဟာ မွေးရာပါရောဂါများပါရှိတဲ့မွေးကင်းစကလေးလေးတွေအတွက်လည်း ဆေးကုသစာရိတ်လှူဒါန်းပေးနေသူတစ်ဦးလည်းဖြစ်ပါတယ်။သူမဟာ ပရိဟိတလုပ်ငန်းတွေကို တက်တက်ကြွကြွလုပ်ကိုင်တဲ့အပြင်ကို စားဝတ်နေရေးခက်ခဲသူများ၊အသက်အရွယ်ကြီးပြီး အဆင်မပြေဖြစ်နေတဲ့ အဖိုးအဖွားများကိုလည်း သူမတတ်နိုင်သလောက် လှူဒါန်းပေးနေသူတစ်ဦးလည်း ဖြစ်ပါတယ်။

သတင်းအရင်းမြစ်: Khine Hnin Wai