ပျံလွန်တော်မူပြီး ရက်ပေါင်း ကိုးဆယ်ကြာမြင့်ခဲ့သည့်တိုင် မပုပ်မသိုး ၊ အနံ့မထွက်သည့် ဓမ္မဂုဏ်ရည်ကျောင်းတိုက် ဆရာတော် အရှင်ဦးသြဘာသ

အရှင်ဦးသြဘာသဘိက္ခုမထေရ်မြတ်ကြီး ခန္ဓာ့ဝန်ချပြီးသည့်နေ့မှစ၍ ရုပ်ကလပ်တော်ကို ဆေးမထိုး ၊ အအေးခန်းထဲ၌ မထားထားပဲ ပကတိအတိုင်း သီတင်းသုံးလျှက်ရှိရာကျောင်းတော်တွင် ထားထားသော်လည်း ရက်ပေါင်း ၉၀ စွန်းစွန်း ကြာသည့်တိုင်အောင် မပုပ်မသိုး ၊ အနံ့မထွက်ရှိခဲ့ဘူးလို့ သိရှိရပါတယ်။

ဒါ့ အပြင် မထေရ်မြတ်ကြီး၏ ရုပ်ကလပ်တော်မှ ထူးခြားချက်များလည်း ဖြစ်ပေါ်လာခဲ့ပါတယ်။ ထူးခြားချက်များမှာ ဦးခေါင်းတော်မှ ဆံပင်များ ပို၍ ရှည်လာခြင်း ၊ လက်တော် ခြေတော်တို့မှ ခြေသည်း လက်သည်းများ ရှည်ထွက်လာခြင်း ၊ အသားတော်တို့မှာ ဖန်ရောင်ကဲ့သို့ ဖူးမျှော်ရခြင်း ၊ မပုပ်မသိုး ၊ အနံ့မထွက်ပါဘဲ ပကတိမူလအတိုင်း ခန္ဓာကိုယ်တော်သည် တည်ရှိနေခြင်း ၊ မီးပူဇော်မည့် နေ့မတိုင်ခင်ညက ကောင်းကင်မှာ စေတီပုံပေါ်ခြင်း ၊ မီးပူဇော်မည့် နေရာအား ညဘက် လျှပ်စစ် မီးထွန်းချိန်တွင် ရွှေရောင်များ တဝင်းဝင်း ဖြစ်နေသည်ကို မြင်တွေ့ရခြင်း ၊ မီးပူဇော်နေစဉ်အချိန်တွင်လည်း မီးတောက်များထဲမှာ ဆရာတော်ဘုရားကြီး ပုံရိပ်ပေါ်လာခြင်း စသည့် ထူးခြားသော ဖြစ်စဉ်များ ဖူးမျှော်ကြရကြောင်း သိရှိရပါသည်။

မထေရ်မြတ်ကြီး၏ ရုပ်ကလပ်တော်ကို ပြီးခဲ့သည့် အောက်တိုဘာလ ၂၄ ရက်နေ့တွင် နေ့လည် (၂) နာရီအချိန်တွင်း လှည်းကူးမြို့နယ် ၊ ဓမ္မဂုဏ်ရည် ကျောင်းတိုက်တွင် အန္တိမအဂ္ဂိဈာပန မီးပူဇော်ပွဲကျင်းပခဲ့ပါသည်။ ဆရာတော်ဘုရားကြီး မိန့်မှာတော်မူခဲ့သည့်အတိုင်း ရုပ်ကလပ်တော်ကို ဆေးမထိုး ၊ အအေးခန်းထဲ၌ မထားရှိဘဲ ရက်ပေါင်း ၉၀ ထားရှိခဲ့တာ ဖြစ်တယ်လို့ သိရပါတယ်။

မီးပူဇော်ပွဲပြီးသည့် နောက်တွင်လည်း ဆရာတော်ဘုရားကြီး၏ အရိုးတော် အသွေးတော် ဓါတ်တော်များ ဖြစ်တည်လာခဲ့ပါတယ်။