ထိုင်းတော်ဝင်မင်းသမီး သီရိဒုံ (Princess Maha Chakri Sirindhorn) မှ ချီးမြှင့်တဲ့ ASEAN's Outstanding Teacher Award ဆုကို ၂၀၂၁ ခုနှစ်အတွက် မြန်မာနိုင်ငံကိုယ်စား လားရှိုးမြို့မှ ဆရာ Alex ခေါ် ဆရာဦးကျော်ဇင်အောင်မှ ရရှိသွားပါတယ်။
![](https://s9.kh1.co/2d/2daa99370eb632d2bbfbc66f9067805c72fbf25b.jpg)
ASEAN's Outstanding Teacher Award ဆုအတွက် ရွေးချယ်တဲ့နေရာမှာ များပြားလှတဲ့ စံညွှန်းပုံစံတွေရှိပါတယ်။ ဒါ့ကြောင့် အရွေးချယ်ခံရရင် ရရှိမယ့် ဆုကြေးငွေ ကလည်းတော်တော်လေးကို များပါတယ်။
![](https://s9.kh1.co/9b/9b5c96921122c710fb38222a5fd90ae5c94608e3.jpg)
![](https://s9.kh1.co/97/97dba286a8dbd32dbc49c8b066dae1e8e3056e8b.jpg)
ဆရာဦးကျော်ဇင်အောင်က အင်္ဂလိပ်စာဆရာတစ်ယောက်ဖြစ်ပြီး အသင်အပြကောင်းလွန်းတဲ့အပြင် စစ်ဘေးရှောင် တိုင်းရင်းသားတွေအတွက် အလှူငွေတွေ ကောက်ခံပေးနေတဲ့သူဖြစ်ပါတယ်။ စာတစ်ခုတည်းကိုပဲသင်တဲ့သူမဟုတ်ဘဲ စစ်ဘေးရှောင်ဒေသက လိုအပ်နေတဲ့နေရာတွေအတွက်ပါ ထောက်ပံ့ပေးနေတဲ့ဆရာတစ်ယောက်ပါ ။ သူ ရရှိမယ့် ဆုကြေးငွေထဲက ငွေကျပ် သိန်း ၅၀ ကိုလည်း စစ်ဘေးရှောင်တွေ အတွက် လှူဒါန်းသွားမယ်လို့ ဆရာ့ရဲ့ လူမှုကွန်ရက်စာမျက်နှာမှာ ဖော်ပြပေးထားပါတယ်။
![](https://s9.kh1.co/c5/c545fa32e2ab067d32483f924909a2d169911a62.jpg)
![](https://s9.kh1.co/21/2101e35cccfef0449840fe8d4ce251c9f03edb87.jpg)
ဒါကြောင့်လည်း ထိုင်းတော်ဝင် မင်းသမီး ကိုယ်တိုင် ချီးမြှင့်တဲ့ အာရှရဲ့ အကောင်းဆုံး ဆရာဆုကို ထိုက်ထိုက်တန်တန်ရရှိသွားတာဖြစ်ပါတယ်။
![](https://s9.kh1.co/59/595b3fc7a454349bfa5dc31bf8d4a4f4eb2b9fe3.jpeg)
![](https://s9.kh1.co/4a/4a820bd3f167b1980c3b98537cf7d2b5941bf393.jpeg)
![](https://s9.kh1.co/6b/6b492db13b18945821d54b94fcaeab04fbe93cbf.jpeg)
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။