ကိုယ်ဝန်ရှိနေပြီလို့ ကြေညာလိုက်တဲ့ Wonder Girls အဖွဲ့ဝင်ဟောင်း Hyerim

ဒီကနေ့အောက်တိုဘာလ ၈ ရက်နေ့မှာ Wonder Girls အဖွဲ့ဝင်ဟောင်းဖြစ်တဲ့ Hyerim က သူမမှာ ပထမဆုံးရင်သွေးလေး ကိုယ်ဝန်လွယ်ထားရပြီ ဖြစ်ကြောင်း ၊ ဒါကြောင့်သူမအမျိုးသားနှင့်သူမ အရမ်းကို ရင်ခုန်စိတ်လှုပ်ရှားနေကြကြောင်း ၊ အိမ်မက်တစ်ခုလိုမျိုး ခံစားမိနေကြောင်း ၊ ဒီပျော်ရွှင်ဖို့ကောင်းတဲ့ ခံစားချက်လေးကို ပရိသတ်တွေနဲ့အတူတူဝေမျှချင်ကြောင်းကို သူမရဲ့ လူမှုကွန်ရက်စာမျက်နှာမှာ ရေးတင်ထားပါတယ်။

Hyerim က ဘွဲ့ရပြီးရင် ကလေးယူမယ်လို့ အရင်တည်းကရှင်းပြထားဖူးပြီး အခုကလေးလေးကိုလည်း မတ်လမှာမွေးဖွားနိုင်ဖို့ ဇွန်လ ကတည်းက စတင်ပြင်ဆင်နေတာဖြစ်တယ်လို့ သိရပါတယ်။ သူမစီစဉ်ထားတဲ့အတိုင်း အချိန်ကွက်တိ ဖြစ်လာခဲ့လို့လည်း တော်တော်ဝမ်းသာမိကြောင်း ဆိုထားပါသေးတယ်။

ကလေးလေးအတွက် အကြိုနာမည်လေးကို Sarangie (ဆားရားငဲ) ကိုရီးယား အဓိပ္ပါယ် အချစ် လို့နာမည်ပေးထားတယ်လို့လည်း ထပ်ဆောင်းပြောထားပါတယ်။

နိဂုံးချုပ်မှာတော့ “ကျွန်မအခု ကိုယ်ဝန်ရတဲ့သတင်းလေးကို ပရိသတ်တွေနဲ့အတူ ဝေမျှခွင့်ရတာအရမ်းကိုပျော်ပါတယ်။” လို့ပြောထားပြီး သူမ အမျိုးသားကလည်း “ကျွန်တော်တို့ တာဝန်ကျေတဲ့ အဖေ နဲ့ အမေ ဖြစ်လာဖို့အတွက် အကောင်းဆုံး ကြိုးစားသွားမှာပါ” လို့ဆိုထားပါသေးတယ်။

Hyerim က တိုက်ကွန်ဒိုကစားသမား Shin Min Chul နဲ့ ၂၀၁၃ ခုနှစ် ဇူလိုင်လမှာ စတင်တွဲခဲ့တာဖြစ်ပြီး ၂၀၂၀ ခုနှစ် ဇူလိုင်မှာလက်ထပ်ခဲ့ကြတာဖြစ်ပါတယ်။ ဂုဏ်ယူပါတယ်ကောင်မလေးရေ ချစ်ရသူနဲ့အတူတူ လှပတဲ့ မိသားစုလေး တည်ထောင်နိုင်ပါစေနော် ။

ကိုယ်ဝန်ရှိနေတာနဲ့ပတ်သတ်ပြီး ကြေညာထားတဲ့ ဗီဒီယိုဖိုင်လေးကိုလည်း အောက်မှာဝင်ကြည့်သွားလို့ရပါတယ်နော် ။