တရားမဝင်ဖွင့်လှစ်ထားသည့် ဘားတွင်ဖမ်းမိသောကြောင့် အနုပညာလှုပ်ရှားမှုအားလုံး ရပ်နားရတော့မည့် မင်းသား Choi Jin Hyuk

ဘီဘီလို့ လူသိများတဲ့ မင်းသား Choi Jin Hyuk ဟာ တရားမဝင်ဖွင့်လှစ်ထားသည့် ဘားမှာ အရက်သွားသောက်မိတာကြောင့် သူ့ရဲ့အနုပညာလှုပ်ရှားမှုတွေရပ်တန့်ပစ်ရတော့မယ်လို့သိရပါတယ်။

သူ့ရဲ့ အေဂျင်စီရဲ့ အဆိုအရတော့ ဘီဘီက သူ့သူငယ်ချင်းဖြစ်သူနဲ့အရက်သွားသောက်တာဖြစ်ပြီး ဘားက တရားမဝင်ဘူးဆိုတာကို မသိရှိကြောင်းပြန်လည်ဖြေရှင်းထားပါတယ်။

ဟယ်လို Choi Jin Hyuk ရဲ့ အေဂျင်စီ G-Tree Creative ကပါ။

လူတိုင်း ကိုရိုနာဗိုင်းရပ်စ်နှင့်ရင်ဆိုင်ကြုံတွေနေရချိန်မှာ အခုလို ဖြစ်ရပ်မျိုးဖြစ်ခဲ့မိလို့တောင်းပန်ပါတယ်။ အောက်တိုဘာလ ၆ ရက်နေ့မှာ Choi Jin Hyuk က သူ့သူငယ်ချင်းဖြစ်သူနဲ့အတူ ဘားတစ်ခုသွားမိရင်း Social distancing စည်းမျဉ်းကို ချိုးဖောက်ခဲ့မိပါတယ်။ ဘားကတရားမဝင်ဖွင့်ထားတာကိုလည်း သူမသိပါဘူး။ သူ့သူငယ်ချင်းက ၁၀ နာရီထိ ဖွင့်တယ်ပြောလို့ ၁၀ နာရီထိနေလို့ရတယ်လို့ပဲထင်ခဲ့တာပါ။

ကိုရိုနာ ကာလကြီးဖြစ်နေတော့သူကအမြဲ ည ၁၀ နာရီမတိုင်ခင်အိမ်ပြန်လာဖို့ ဂရုစိုက်လေ့ရှိပါတယ်။ အခုနေရာကလည်းသူ့သူငယ်ချင်း အကြံပြုပေးလို့သွားခဲ့တာပါ။ သူအဖမ်းခံခဲ့ရတာ ည ၈ နာရီ ၂၀ အချိန်မှာပါ။ ဘားက အဆင့် ၄ social distancing စည်းမျဉ်းနဲ့တားမြစ်ထားတဲ့နေရာ ဖြစ်နေတာပါ။

Social distancing စည်းမျဉ်းတွေကို သေချာမစစ်ဆေးမိလို့ ကျွန်တော်တို့တောင်းပန်ပါတယ်။ မင်းသား Choi Jin Hyuk အနေနဲ့လည်း ထပ်တူညီတဲ့အမှားမျိုးတွေ လုပ်မှာမဟုတ်တော့ပါဘူး။ အေဂျင်စီအနေနဲ့လည်း ကိုယ့်အနုပညာရှင်တွေအတွက် ပိုပြီးသေချာလေးကြိုးစားသွားမှာပါ။လက်ရှိမှာတော့ Choi Jin Hyuk ရဲ့ လုပ်ဆောင်ချက်တွေ အားလုံးကိုရပ်တန့်သွားမှာပါ။ ကျွန်တော်တို့ ထပ်ပြီးတောင်းပန်ပါတယ်။

— G-Tree Creative

မင်းသား Choi Jin Hyuk ဟာအောက်တိုဘာလ ၆ ရက်နေ့ တောင်ကိုရီးယားစံတော်ချိန် ည ၈ နာရီ ၂၀ မိနစ်မှာ အဖမ်းခံခဲ့ရတာဖြစ်ပါတယ်။ ကူးစက်ရောဂါတားဆီးကာကွယ်ရေး ဥပဒေနဲ့ဖမ်းဆီးခံလိုက်ရတာဖြစ်ပြီး  သူသွားခဲ့တဲ့ ဘားက အဆင့် ၄ social distancing စည်းမျဉ်းများနှင့်အညီ လုံးဝကိုတားမြစ်ထားတဲ့ ဘားဖြစ်ပါတယ်။