Squid Game ဇာတ်လမ်းတွဲရဲ့ သရုပ်ဆောင် Jung Ho Yeon ဟာဆိုရင် Louis Vuitton ရဲ့ global ambassador အသစ်အဖြစ် ရွေးချယ်ခြင်းခံလိုက်ရပါပြီ။
သူမဟာ Squid Game ဇာတ်လမ်းနှင့် ပွဲဦးမထွက်လာခင်တုန်း ကတည်းက Louis Vuitton ရဲ့ ၂၀၁၇ ခုနှစ် spring-summer collection နှင့် ၂၀၁၇ ခုနှစ် pre-fall collection ကမ်းပိန်းတို့အတွက် မော်ဒယ်ရှိုး လမ်းလျှောက်ပွဲတွေမှာ ပါဝင်ဖူးပါတယ်။
Jing Ho Yeon က သူမ မော်ဒယ်အဖြစ်လက်တွဲ အလုပ်လုပ်ဖူးတဲ့ Louis Vuitton မှာ အခုလိုမျိုး သရုပ်ဆောင်တစ်ယောက်အဖြစ် စတင်ခွင့်ရတာ အရမ်းကိုဂုဏ်ယူ ဝမ်းမြောက်မိကြောင်း ဆက်လက်ပြီး Louis Vuitton ရဲ့ Global Ambassador တစ်ယောက်အဖြစ်အတွေ့အကြုံတွေယူသွားဖို့ မျှော်လင့်နေကြောင်း ပြောထားပါတယ်။
Louis Vuitton ရဲ့ creative director ဖြစ်တဲ့ Nicolas Ghequiere ကလည်း သူဟာ Ho Yeon ရဲ့ ထက်မြတ်တဲ့စွမ်းရည်နဲ့ ဆွဲဆောင်မှုရှိရှိမိမိုက်နေတဲ့ပုံစံလေးကို စမြင်ကတည်းကကြွေသွားခဲ့တာဖြစ်ကြောင်း အဲဒီ အချိန်လေးကိုပြန် သတိရမိကြောင်း Ho Yeon နဲ့ ဆက်လက်လက်တွဲသွားမယ့် Louis Vuitton ရဲ့ခရီးလမ်းအသစ်အတွက်လည်း စိတ်လှုပ်ရှားနေကြောင်းပြောထားပါတယ်။
Jung Ho Yeon ဟာ ကမ္ဘာကျော်ဖက်ရှင်အမှတ်တံဆိပ်တွေရဲ့ ရှိုးပွဲတွေမှာ ပါဝင်ဖူးတဲ့ မော်ဒယ်တစ်ယောက်ဖြစ်ပြီး မကြာသေးမီကမှ “Squid Game” ဇာတ်လမ်းတွဲမှာပါဝင်ရင် သရုပ်ဆောင်တစ်ယောက်အဖြစ် နာမည်ကြီးလာတဲ့ကောင်မလေးဖြစ်ပါတယ်။ အောင်မြင်မှုအတွက် ဂုဏ်ယူပါတယ် ကောင်မလေးရေ …
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
