လစ်သူယေးနီးယားလူမျိုးအမျိုးသားတစ်ယောက်ဟာအရက်ဖြတ်ပြီးတဲ့နောက်မှာ အချိန်ကာလတစ်လတိုင်တိုင် သတ္တုပစ္စည်းများဖြစ်တဲ့ သံများ၊ဘလိတ်ဓားများ၊သံမူလီများကို မြိုချခဲ့ပါတယ်။ အဆိုပါအမျိုးသားဟာ အစာအိမ်မခံမရပ်နိုင်အောင်နာလာတော့မှ အရေးပေါ်ကားနဲ့ဆေးရုံအမြန်တတ်ခဲ့ရပါတယ်။ ဆရာဝန်များခွဲစိတ်မှုလုပ်ပြီးတဲ့နောက်မှာ ဝမ်းဗိုက်အတွင်းမှ သံမူလီ၊သံများ နှင့် ဓားတွေအများကြီးတွေ့ခဲ့ရတယ်လို့သိရပါတယ်။
အစာအိမ်အတွင်းမှ စုစုပေါင်း သတ္တုတန်ချိန် နှစ်ပေါင်တိတိ ခွဲထုတ်ဖယ်ရှားလိုက်ရပြီး ပြိုင်စံရှားဖြစ်စဉ်လို့ဆရာဝန်များကယူဆထားကြပါတယ်။ခွဲစိတ်မှုကြာချိန် ၃ နာရီတိတိဖြစ်ပြီး သံစသေးသေးလေးကအစဖယ်ရှားပစ်လိုက်နိုင်တယ်လို့ ခွဲစိတ်ဆရာဝန် Sarunas Dailedenas ကဆိုပါတယ်။
အစာအိမ်ထဲကထုတ်လိုက်နိုင်တဲ့ သံတွေရဲ့ပုံထဲမှာ တချို့ဆို ၄ လက်မထိရှည်တဲ့သံကြီးတွေပါလာတာကိုတွေ့ရပါတယ်။ ၄ လက်မထိရှည်တဲ့သံကြီးတွေက အစာအိမ်နံရံကိုသွားစိုက်ပြီးဗိုက်အောင့်လာတာလို့ ဆရာဝန်တွေကယူဆထားကြပါတယ်။ ခွဲစိတ်မှုပြီးသွားတဲ့နောက်မှာတော့ အဆိုပါအမျိုးသားရဲ့အခြေအနေဟာတည်ငြိမ်သွားပြီလို့ ဆေးရုံကပြောရေးဆိုခွင့်ရှိသူများရဲ့ အတည်ပြုချက်အရသိရပါတယ်။
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
