တိုက်ခန်းပေါ်မှာအပင်စိုက်ရင်း အသီးအနှံတွေဖြစ်ထွန်းလာတာကို ချပြလိုက်တဲ့အမျိုးသမီး

လူအများစုက သစ်ပင်၊စားပင်၊သီးပင်တွေကို မြေကြီးရှိတဲ့ခြံတွေမှာပဲစိုက်လို့ရမယ်။ တိုက်ခန်းတွေနဲ့ဆို စိုက်လို့မရဘူးလို့ တော်တော်များများထင်မှတ်ထားကြတာပါ။ဒါပေမယ့် ထိုင်းနိုင်ငံက Pearypie အမည်ရှိလူမှုကွန်ရက်စာမျက်နှာနှင့် ဆယ်လီအမျိုးသမီးတစ်ယောက်ကတော့ သီးပင်စားပင်တွေကိုတိုက်ခန်းပေါ်မှာစိုက်ရင်း အောင်မြင်မှုရလာတာကိုလူအများကိုချပြလိုက်ပါတယ်။သူမရဲ့တိုက်ခန်းခေါင်မိုးပေါ်ကစိုက်ခင်းကို Sky Garden (ကောင်းကင်ဥယျာဉ်) လို့နာမည်ပေးထားပါတယ်။

သူမစိုက်ပျိုးထားတဲ့အပင်တွေထဲမှာ သခွားသီး၊ ရုံးပတီသီး၊ ပြောင်းဖူး၊ ခရမ်းချဉ်သီး ၊ ဘူးသီး၊ကိုက်လန်၊မုန့်ညှင်းထုတ်၊ကန်စွန်းရွတ်စသည့်သီးပင်စားပင်မျိုးစုံအပြင်   ပန်းပင်တွေပါစိုက်ပျိုးထားတယ်လို့သူမရဲ့ လူမှုကွန်ရက်စာမျက်နှာပေါ်မှာရေးထားပါတယ်။

ဖြစ်ထွန်းလာတဲ့သီးနှံတွေကိုပါ လက်တွေ့စားပြနေတဲ့ပုံလေးကိုတင်ထားတာကြောင့် လူအများရဲ့စိတ်ဝင်စားမှုတွေလည်း အရမ်းကိုမြင့်တတ်လျှက်ရှိပါတယ်။ “အပင်လေးတွေက သန်လိုက်တာနော် ။ သီးနှံတွေကလည်းလတ်ဆက်နေတာပဲ။ ငါတို့အိမ်မှာလည်းလိုက်စိုက်ရမယ်။” စသည်ဖြင့် မှတ်ချက်တွေအများကြီးရရှိထားပါတယ်။

တိုက်ခန်းနဲ့နေသူတွေအထူးသဖြင့် အပေါ်ဆုံးထပ်မှာနေတဲ့သူတွေအတွက်အပင်စိုက်ဖို့ အတွေးအမြင်အသစ်လေးတွေရရှိသွားစေတဲ့စိုက်ပျိုးနည်းလေးပါ။ ဒီထဲမှာလည်းအပင်စိုက်ချင်ပေမယ့် တိုက်ခန်းနဲ့နေနေရလို့မစိုက်နိုင်တဲ့သူတွေရှိရင် သူမလိုပဲကြိုးစားပြီးစိုက်ကြည့်ဖို့အကြံပြုပါရစေနော်။