မြင်ထောင့်မြင်ခဲရှားပါးငါးအမျိုးအစားကြီးများ

သမုဒ္ဒရာဆိုတာနက်ရှိုင်းသလောက် အင်မတန်ကို ထူးဆန်းမှုတွေနဲ့ပြည့်နေတဲ့နေရာပါ။ ရေနက်ပိုင်းကိုရောက်လာလေလေ ဆန်းကြယ်မှုတွေပိုပြီးများလာလေလေပါပဲ။ တချို့ဆန်းကြယ်မှုတွေက ကြက်သီးထဖို့ကောင်းတယ်။ တချို့ဆန်းကြယ်မှုတွေကတော့ တော်တော်ကိုသွေးပျက်မတတ်ကြောက်ဖို့ကောင်းလွန်းပါတယ်။ လွန်ခဲ့တဲ့လအနည်းငယ်တုန်းကလည်း အမေရိကန်နိုင်ငံရဲ့ကမ်းခြေတွေမှာငါးတွေအများကြီးသောင်တင်လာတာမျိုးဖြစ်ခဲ့ပါတယ်။ ဒါကိုဒေသခံတွေက ဓာတ်ပုံရိုက်ပြီးဆိုရှယ်လူမှုစာမျက်နှာတွေကိုတင်ခဲ့ကြပါတယ်။ ဒေသခံတွေတင်ခဲ့တဲ့ ထူးဆန်းတဲ့ရေသတ္တဝါတွေထဲက အထူးခြားဆုံးလို့ယူဆရတဲ့ သတ္တဝါကြီးတွေကို ဗဟုသုတရဖွယ်ဖော်ပြပေးလိုက်ပါတယ်။

ဘောလုံးငါး

ဒီရှားပါးငါးကြီးကို ပြီးခဲ့တဲ့ ၅ လပိုင်း ၈ ရက်နေ့တုန်းက ကယ်လီဖိုးနီးယားကမ်းခြေတစ်ခုမှာရှာတွေ့ခဲ့တာပါ။ လူမှုကွန်ရက်ပေါ်တင်တင်ချင်းလူစိတ်ဝင်စားမှုအများကြီးရခဲ့တဲ့ငါးကြီးဖြစ်ပြီး ငါးကြီးကိုတွေ့တွေ့ချင်း ၂၀၀၃ ခုနှစ်ကထွက်ရှိတဲ့တဲ့ Finding Nemo ကာတွန်းကားထဲကငါးကြီးနဲ့တူတယ်လို့ပြောခဲ့ကြပါတယ်။

ငါးအမတွေက အလျား၂၄ လက်မရှိပြီး အထီးတွေကအမတွေထက်ပိုပြီး ပုပါတယ်။ ဒီငါးကြီးကို ကယ်လီဖိုးနီးယားနိုင်ငံ Newport ကမ်းခြေမှာတွေ့ရှိခဲ့တာဖြစ်ပြီး တရစ္ဆာန်ရုံပို့ဖို့စီစဉ်ထားတယ်လို့သိရပါတယ်။

မှော်ဆန်ဆန်ငါး

Cape Coral က တောရိုင်းတိရစ္ဆာန်အရာရှိတွေကတော့ ဒီငါးတွေကိုကြီးမားတဲ့ အမေဇုန်မြစ်ကနေရောက်လာတဲ့ငါးတွေလို့ ကနဦးယူဆခဲ့ကြပေမယ့် နောက်ပိုင်းမှာ သမုဒ္ဒရာကငါးတွေမဟုတ်ဘဲ ရေသန့်မှာသာရှင်သန်လို့ရတဲ့ငါးတွေလို့ရှာဖွေတွေ့ရှိခဲ့ကြပါတယ်။

မျက်လုံးငါး

ဒီငါးအမျိုးအစားကိုတော့ မကြာသေးမီကမှ တက္ကဆက်ပြည်ရဲ့ကမ်းခြေတစ်ခုမှာရှာတွေ့ခဲ့တာဖြစ်ပါတယ်။ ဒီပုံကို ဆိုရှယ်စာမျက်နှာပေါ်တင်ခဲ့တဲ့  Jennifer Baltaza ဆိုသူက ဒီငါးကသူတို့ သားဖြစ်သူကိုဒဏ်ရာရအောင်လုပ်လိုက်တာဖြစ်ကြောင်း အသိပေးတဲ့အနေနဲ့တင်ရင်း လူသိများသွားတာဖြစ်ပါတယ်။ ငါးကြီးရဲ့ သိပ္ပံနာမည်ကို Rhizophysa လို့နာမည်ပေးထားပါတယ်။

ရေသတ္တဝါဆန်းကြီးတွေကတော့တကယ့်ကိုကြောက်ခမန်းလိလိပဲနော်.. စာဖတ်သူတို့ထဲမှာရော ဒီရေသတ္တဝါကြီးတွေကိုမြင်ဖူးတဲ့သူတွေရှိကြလား။ ရှိရင်ဒေသအခေါ်အဝေါ်ဘယ်လိုတွေခေါ်ကြလဲဆိုတာ ပြောပေးခဲ့ကြပါဦး။