လူရွှင်တော်ကြီးဦးစိန်ရိုးဆိုတာ လူရွှင်တော်အသင်းရဲ့ နယကတစ်ယောက်ဖြစ်သလို ပျက်လုံးနဲ့ပတ်သက်ရင် အမြဲတမ်းဉာဏ်ရွှင်နေတဲ့ လူတော်တစ်ယောက်လည်းဖြစ်ပါတယ်။ အသက်အရွယ်ကြီးလာလို့ ကျန်းမာရေးမကောင်းတော့ပေမယ့် ပျက်ခဲ့တဲ့ဟာသတွေကတော့ အချိန်တိုင်းလတ်ဆတ်နေဆဲပါပဲ။ ဘယ်အချိန်ပြန်နားထောင်ထောင် စိတ်ပျော်ရွှင်ပြီး ရယ်မောစေနိုင်ခဲ့တာအမှန်ပါပဲ။ ဒီနေ့ (၁၅.၅.၂၀၂၁) မနက် ၁၀:၄၅ မိနစ်မှာတော့ ဘဘဦးစိန်ရိုးဟာ အားလုံးကိုထားခဲ့ပြီး သံသရာခရီးကိုပျော်ပျော်ကြီး ထွက်သွားခဲ့ပါပြီ။ လူအများကိုရယ်မောအောင်လုပ်ပေးခဲ့လို့ ကောင်းတဲ့ဘုံဘဝမှာ အေးအေးချမ်းချမ်း ရှိနေမှာပါ။
ဦးစိန်ရိုးကွယ်လွန်တဲ့သတင်းကို ဝါရင့်လူရွှင်တော်တစ်ယောက်ဖြစ်တဲ့ ဦးကောင်းကျော်က " ပြည်သူချစ်သော ဟာသလူရွှင်တော်ကြီး ဦးစိန်ရိုး ယနေ့နံက် ၁၀:၄၅ တွင် ကွယ်လွန်သွားပါပြီ " ဆိုပြီး သူ့ရဲ့လူမှုကွန်ရက်ကနေ ပြောပြလာခဲ့တာပဲဖြစ်ပါတယ်။ လူရွှင်တော်လောကရဲ့ ကြီးမားတဲ့ဆုံးရှုံးမှုအတွက် လုပ်ဖော်ကိုင်ဖက်တွေရော ပရိသတ်တွေကပါ မိသားစုနဲ့ထပ်တူ ကြေကွဲကြောင်း မှတ်ချက်တွေ အများအပြားပေးခဲ့ကြပါတယ်။ အနုပညာကြယ်ပွင့်တွေ ကြွေသွားတိုင်း ကျန်ခဲ့ရသူတွေဟာ နှမြောတသပါပဲ။
လက်ရှိအသက်အရွယ်ထိ ရင်းနှီးခဲ့တဲ့ပျက်လုံးတွေကိုမမေ့ဘဲ ကိုယ်မြတ်နိုးတဲ့ အနုပညာကို အချိန်တိုင်းသတိရနေခဲ့တဲ့ ပညာရှင်တစ်ဦးလည်းဖြစ်ပါတယ်။ လူရွှင်တော်တွေအားလုံး အတုယူရတဲ့ ဆရာတစ်ဆူလည်းဖြစ်သလို လူရွှင်တော်အသင်းရဲ့ နာယကတစ်ယောက်လည်း ဖြစ်ပါတယ်။ အသက်ကြီးသွားသလို ပညာတွေလည်းရင့်သန်နေတဲ့ ဒီလိုအဖိုးတန်လူတစ်ဦး ဆုံးရှုံးလိုက်ရတာ ဝမ်းနည်းစရာကောင်းလွန်းပါတယ်။ ကောင်းမွန်တဲ့ဘဝသစ်တစ်ခုကို အေးအေးချမ်းချမ်းရောက်နိုင်ပါစေ ဘဘရေ။
သတင်းအရင်းမြစ်: Original Uploader
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
