ကိုရီးယားမှာတက်ရောက်နေတဲ့ သင်တန်းလေးပြီးမြောက်သွားလို့ ဆရာတွေကို မြန်မာ့ထုံးတမ်းအစဥ်အလာအရ ရှိခိုးကန်တော့ခဲ့တဲ့ Project K

Project K အဖွဲ့ကတော့ မြန်မာနိုင်ငံမှာသာမက ပြည်ပနိုင်ငံတွေအထိပါ အောင်မြင်မှုရရှိနေတဲ့ Boy Band တစ်ခုဖြစ်ပါတယ်။ တစ်ယောက်ချင်းစီမှာ အရည်အချင်းကောင်းတွေအပြည့်ရှိသလို ပူးပေါင်းဆောင်ရွက်တတ်တဲ့စိတ်လည်းရှိတဲ့ သူတို့အဖွဲ့လေးက အရမ်းကိုအောင်မြင်နေတာပဲ ဖြစ်ပါတယ် ။ အထူးသဖြင့် Project K အဖွဲ့က ယနေ့ခေတ် ပျိုပျိုမေလေးတွေကြားမှာ မသိသူမရှိလောက်အောင်ကို ရေပန်းစားနေတာ ဖြစ်ပါတယ် ။

မကြာသေးခင်ကလည်း Project K အဖွဲ့က ဖျော်ဖြေပွဲအတွက် မြန်မာနိုင်ငံကနေ ကိုရီးယားနိုင်ငံကို ခရီးထွက်လာခဲ့ကြတာ ဖြစ်ပါတယ် ။ ကိုရီးယားနိုင်ငံမှာ Training လုပ်နေတဲ့ သူတို့အဖွဲ့လေးက အခုဆိုရင် သင်တန်းကာလပြီးဆုံးသွားပြီဖြစ်လို့ "Asia Song Festival 2020"မှာ ဖျော်ဖြေရတော့မှာ ဖြစ်ပါတယ် ။ သင်တန်းဆင်းပွဲနေ့မှာတော့ Project K အဖွဲ့သားတွေက သူတို့ကိုပညာသင်ကြားပေးတဲ့ ဆရာ၊ဆရာမတွေနဲ့ ကျေးဇူးတင်ထိုက်သူတွေကို မြန်မာ့ယဥ်ကျေးမှုနဲ့အညီ ဂါရဝပြုကန်တော့ခဲ့ကြတာ ဖြစ်ပါတယ် ။

ဒီအကြောင်းကို Project K အဖွဲ့က "ဒီနေ့ ကိုရီးယားမှာ သင်တန်းဆင်းပွဲလေးပြီးတော့ ဤ Program ဖြစ်မြောက်ရေးအတွက် အစွမ်းကုန်ကြိုးပမ်းပေးခဲ့သူများ ၊ ဆရာများ ၊ ဆရာမများကို ကျွန်တော်တို့ မြန်မာ့ ထုံးတမ်းအစဉ်လာအရ ဂါရဝပြု ရှိခိုးကန်တော့ခဲ့ကြပါတယ် ၊၊ ချစ်ဖို့ကောင်းတာလေးတစ်ခုက သူတို့လည်းတစ်ခါမှ ကန်တော့မခံဖူးဘူးထင်တယ် ၊၊ ကိုယ်တွေကန်တော့တော့ သူတို့ပါ လက်အုပ်လေးတွေ ချီထားကြတယ် ။ Thz a lot everybody" ဆိုပြီး တင်ထားတာ ဖြစ်ပါတယ် ။ ကဲ ချစ်ပရိသတ်တွေအတွက် Project K အဖွဲ့သားတွေရဲ့ပုံရိပ်တွေနဲ့ဗီဒီယိုလေးကို ပြန်လည်မျှဝေပေးလိုက်ပါတယ်နော် ။

Source & Video Credit-Project K's Facebook Page