ပရိသတ်ကြီးရေ.. ဂီတလောကမှာ ချိုသာပြီး ဆွဲဆောင်မှုရှိတဲ့ အသံအေးအေးလေးတွေနဲ့ သီချင်းကောင်းလေးတွေ များစွာထွက်ရှိထားတဲ့ ပြည်သူချစ်အနုပညာရှင်ကတော့ အဆိုတော်နွဲ့ယဉ်ဝင်းနဲ့ သံသာဝင်းတို့ သားအမိနှစ်ယောက်ပဲ ဖြစ်ပါတယ်နော်..။
တည်ငြိမ်အေးချမ်းစွာ ပြုမူနေထိုင်တတ်သလို သူမတို့သားအမိတွေရဲ့ သီချင်းလေးတွေဟာလည်း ပရိသတ်တွေကြား ယနေ့တိုင် နေရာယူအောင်မြင်နေဆဲဖြစ်ပြီး ရေပန်းစားလူကြိုက်များနေကြတာ ဖြစ်ပါတယ်နော်..။
သီချင်းကောင်းလေးတွေ သီဆိုဖျော်ဖြေတတ်သလို ကိုယ်တိုင်သီချင်းလေးတွေ ဖန်တီ ရေးစပ်တတ်တဲ့ သံသာဝင်းကတော့ Stay Home နေရင်း သီချင်းလေးတွေ ရေးဖြစ်တဲ့အကြောင်းလေးကိုလည်း ပြောပြလာပါတယ်နော်..။
သူမကိုယ်တိုင်ရေးစပ်ထားတဲ့ "မျှော်လင့်မထားတဲ့ မနက်ဖြန်" သီချင်းလေးနဲ့ "အောင်လံလွှင့်မည် NLD" ဆိုတဲ့ သီချင်းလေးတွေ ရေးဖြစ်တဲ့ အကြောင်းကို ပြောပြထားပါနော်..။
"Covid စဖြစ်ကာစ အချိန် အိမ်မှာ Stay Home နေရင်းနဲ့ စဉ်းစားမိတာလေးကို မျှော်လင့်မထားတဲ့အခြေအနေတစ်ခုကို ချက်ချင်းရောက်သွားတယ် ကမ္ဘာကြီးက ချက်ချင်းငြိမ်သက်သွားတယ် အဲ့ဒါကိုစဉ်းစားမိတဲ့အခါမှာ ကိုယ့်အနားရှိတဲ့လူတွေကို တန်ဖိုးထားတတ်ဖို့ ကိုယ်ပိုင်ဆိုင်တဲ့အရာတွေကို တန်ဖိုးထားတတ်ဖို့နဲ့ မနက်ဖြန်ဆိုတာ မသေချာတဲ့အတွက် မမျှော်လင့်ထားတာတွေကို ဖြစ်လာနိုင်တယ်ဆိုတာကို စဉ်းစားရင်းနဲ့ သီချင်းလေး ရေးဖြစ်သွားတာပါ.." ဆိုပြီး သံသာဝင်းက ပြောပြထားဖြစ်ပါတယ်..။
"အောင်လံလွှင့်မည် NLD" သီချင်းလေးကိုတော့ အမေစုကို ဝန်းရံချင်လို့ ရေးဖြစ်ခဲ့တာဖြစ်ပြီး တက်တက်ကြွကြွနဲ့ပါဝင်သီဆိုပေးကြတဲ့ အနုပညာရှင်တွေအကြောင်းလည်း ပြောပြထားတဲ့ သူမရဲ့ ဗီဒီယိုဖိုင်လေးကိုလည်း ဝေမျှလိုက်ပါတယ်နော်..။
Photo Credit - Than Thar Win's Fb Account
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
