ကိုရီးယားနိုင်ငံမှာ သွားရောက်ဖျော်ဖြေဖို့အတွက် Covid-19 ရောဂါကင်းစင်ကြောင်း ဆေးစစ်​နေတဲ့ project Kအဖွဲ့ရဲ့ ဗီဒီယိုလေး

နှုတ်ခမ်းနီမလေးတွေရဲ့ တစ်ခဲနက် ဝန်းရံအားပေးမှုတွေကိုရရှိထားတာကတော့ Project K အဖွဲ့ပဲ ဖြစ်ပါတယ်။ သူတို့ဟာ  အကမျိုးစုံကို ကျွမ်းကျင်ပိုင်နိုင်စွာ ကနိုင်ရုံသာမကဘဲ အဆိုဘက်မှာလည်း ထူးချွန်ကြသူတွေလည်း ဖြစ်ပါတယ်။ Project K အဖွဲ့ဟာ နိုင်ငံတကာအကပြိုင်ပွဲတွေမှာလည်း သွားရောက်ယှဉ်ပြိုင်ခဲ့ပြီး ဆုတွေလည်း ရရှိခဲ့ကြတာလည်း ဖြစ်ပါတယ်။  

သူတို့အဖွဲ့ကိုတော့ မြန်မာနိုင်ငံက မိန်းကလေး ပရိသတ်တွေသာမကဘဲ ကိုရီးယားနိုင်ငံက ပျိုပျိုမေလေးတွေကပါ အားပေးချစ်ခင်နေကြတာလည်း ဖြစ်ပါတယ်။ သူတို့အဖွဲ့ဟာ ကိုရီးယားနိုင်ငံတွင် ကျင်းပပြုလုပ်မယ့် " Asian Song Festival 2020 “ ပွဲတွင် မြန်မာနိုင်ငံကိုယ်စားပြုအဖြစ် သွားရောက်ဖျော်ဖြေရမှာလည်း ဖြစ်ပါတယ်။မကြာသေးခင်နာရီပိုင်းလောက်ကလည်း Project K အဖွဲ့ရဲ့ လူမှုကွန်ယက်စာမျက်နှာမှာ ဗီဒီယိုလေး တစ်ခု တင်ထားတာပဲ ဖြစ်ပါတယ်။ ဒါကတော့ ကိုရီးယားနိုင်ငံတွင် သွားရောက်ဖျော်ဖြေရန် COVID-19 ရောဂါကင်းစင်ကြောင်းဆေးစစ်နေကြတဲ့ Project Kအဖွဲ့ရဲ့Video လေးပဲ ဖြစ်ပါတယ်။

သူတို့ကလည်း " ကျွန်တော်တို့ Project K Members တွေအားလုံး Negative ပါဗျ

ဒီ Video လေးကို တင်ပေးရခြင်းရည်ရွယ်ချက်ကတော့

- ကျွန်တော်တို့တွေအားလုံး ကျန်းမာရေးဦးစီးဌာနရဲ့ ညွှန်ကြားချက်တွေနဲ့အတူ ကိုရီးယားကိုသွားရောက်ဖျော်ဖြေမည်ဆိုတာ အသိပေးချင်တာရယ်

- Covid 19 Swab test စစ်ဖို့ကြောက်နေကြသူတွေအတွက် လုံးဝကြောက်စရာမကောင်းဘူးဆိုတာ ပြောပြချင်တာပါ ( လုံးဝမနာပါဘူး ... နှာခေါင်းထဲထည့်ချိန်မှာ ရေမွန်းသလိုမျိုးခံစားရပြီး , ပါးစပ်ထဲထည့်တဲ့အချိန် လက်ညှိုးထိုးအန်သလိုမျိုးသာခံစားရပါတယ် )

ကျွန်တော်တို့ အားလုံးစည်းလုံးရင် ဒီကပ်ဆိုးကြီးက ကျော်လွှားနိုင်မှာပါ

အဲ့ဒါကြောင့် အားလုံး

“ လူချင်းခပ်ခွါခွါနေ၍ နှလုံးသားချင်းနီးပေးပါ “

LOVE YOU ALL......Saranghaeyo “ ဆိုပြီး ရေးသားထားတာပဲ ဖြစ်ပြီး ပရိသတ်တွေအတွက် ဒီဗီဒီယိုလေးကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။

Source and Photo Crd- Project K’s Facebook Page