ပရိသတ်ကြီးရေ အဆိုတော်ဖြိုးမြတ်အောင်ကတော့ JOOX Myanmar ကနေ ပေးအပ်ချီးမြှင့်တဲ့ Artists Award & Song Award ပထမနှစ်ဝက် လူအကြိုက်အများဆုံးဖြစ်တဲ့ တေးသံစဉ်ဆု နှစ်ဆုကို ရရှိခဲ့ပါတယ်။ ဒီဆုကိုတော့ JOOX Myanmar က ပရိသတ်တွေရဲ့ Voting စနစ်ဖြင့် ရွေးချယ်ပြီး Voting အများဆုံး တေးသံရှင်တွေကို ပေးအပ်ချီးမြှင့်သွားတာဖြစ်ပါတယ်။ ဒီဆုနှစ်ဆုကို ရရှိခဲ့တဲ့ ဖြိုးမြတ်အောင် က ပရိသတ်တွေနဲ့ ထပ်တူပျော်ရွှင်သွားရအောင် JOOX Myanmar ကနေ ပေးအပ်ချီးမြှင့်ခဲ့တဲ့ ဆုလေးတွေနဲ့ အမှတ်တရ ရိုက်ထားတဲ့ ပုံလေးတွေကို တင်ပေးလာခဲ့ပါတယ်။
ဒီပုံလေးတွေနဲ့လည်း ဖြိုးမြတ်အောင် က " JOOX Myanmar က ပေးအပ်ချီးမြှင့်တဲ့ Artists Award & Song Award ဆုနှစ်ဆု လုံးကို လက်ခံရရှိပါတယ် ဆုနှစ်ဆုစလုံး ရရှိအောင် အင်တိုက်အားတိုက် ကြိုးစားပြီး Voting တွေပေးခဲ့ကြသူ တစ်ဦးတစ်ယောက်ချင်းကို ကျွန်တော့်ရင်ထဲကနေလှိုက်လှိုက်လှဲလှဲ ကျေးဇူးတင်ရှိပါတယ်ဗျာအားပေးကြတဲ့ ချစ်ပေးကြတဲ့ မိသားစုတွေအတွက် ကျွန်တော်လည်းအမြဲကြိုးစားနေပါ့မယ်ဗျအခုလို စီစဉ်ပေးတဲ့ Joox Myanmar ကိုလည်း ကျေးဇူးတင်ရှိပါတယ် ဒီထက်မကလည်းအောင်မြင်ပါစေဗျ အားလုံးကိုချစ်တယ် "ဆိုပြီးရေးသားဖော်ပြထားပါသေးတယ်။
ပရိသတ်တွေလည်း ဖြိုးမြတ်အောင် နဲ့အတူ ထပ်တူထပ်မျှ ဝမ်းသားပီတိဖြစ်မယ်လို့လည်း မျှော်လင့်မိပါတယ်။ လတ်တလော သူထွက်ရှိထားခဲ့တဲ့ သီချင်းတွေကလည်း ပရိသတ်တွေကြားမှာရေပန်းစား လူအကြိုက်ခဲ့တဲ့ တေးသီချင်းကောင်းတွေပဲဖြစ်ခဲ့ပါတယ်။ ကဲ...ချစ်ပရိသတ်ကြီးရေ JOOX Myanmar က ပေးအပ်ချီးမြှင့်တဲ့ Artists Award & Song Award ဆုနှစ်ဆုလုံးကို ရရှိခဲ့တဲ့ တေးသံရှင် ဖြိုးမြတ်အောင်ရဲ့ ပုံရိပ်လေးတွေကို ပြန်လည်ကြည့်ရှု့လို့ရအောင် ဖော်ပြပေးလိုက်ပါတယ်။
Photo Credit - Phyo Myat Aung fb account
Source - Phyo Myat Aung fb account
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
