အသက်(၇၀)ကျော်အရွယ်လို့မထင်မှတ်ရအောင် နုဖတ်လှပပြီး ဆံပင်အတိုလေးနဲ့ လူငယ်ဆန်ဆန်ချစ်ဖို့ကောင်းနေတဲ့ ခင်သန်းနု

အကယ်ဒမီများရှင် မင်းသမီးကြီးဖြစ်တဲ့ ခင်သန်းနုကတော့ အနုပညာလောကမှာ မသိသူမရှိလောက်အောင်ကို ကျော်ကြားအောင်မြင်ခဲ့တာပဲ ဖြစ်ပါတယ် ။ ချောမောလှပတဲ့ရုပ်ရည်လေးနဲ့ အပြစ်ပြောစရာမရှိအောင်လှသွေးကြွယ်ခဲ့တဲ့ ခင်သန်းနုက အခုချိန်အထိတိုင်အောင် အရွယ်တင်နုပျိုနေဆဲ ဖြစ်ပါတယ် ။ ခင်သန်းနုက အသက် (၇၀)ကျော်အရွယ်လို့မထင်ရလောက်အောင် ကျန်းမာနုပျိုပြီး အပြုံးချိုချိုလေးတွေနဲ့ လှပနေတာပဲ ဖြစ်ပါတယ်။

ဒီဇိုင်နာမျိုးမင်းစိုးကတော့ ခင်သန်းနုအတွက် အဝတ်အစားတွေချုပ်ပေးရင်း နှစ်ယောက်တွဲရိုက်ထားတဲ့ပုံလေးတွေကို မကြာခဏတင်ပေးတတ်တာ ဖြစ်ပါတယ် ။ အခုလည်း ဒီဇိုင်နာမျိုးမင်းစိုးက ခင်သန်းနုဆီကိုအလည်သွားရင်း "မောင်တို့ချယ်ရီမြေ" ဇာတ်ကားထဲကပုံစံမျိုးလေး Tik Tok ဗီဒီယိုရိုက်ကူးခဲ့ကြောင်း တင်ထားတာ ဖြစ်ပါတယ် ။ အမြဲတမ်းလှပနေတဲ့ အန်တီခင်သန်းနုကတော့ ဆံပင်တိုတိုလေးနဲ့ လူငယ်လေးတစ်ယောက်လို နုပျိုပြီးချစ်ဖို့ကောင်းနေတာ ဖြစ်ပါတယ် ။

ဒီဇိုင်နာမျိုးမင်းစိုးက " ဒီနေ့ အကယ်ဒမီခင်သန်းနုရဲ့ခြံထဲမှာအမှတ်တရရိုက်ထားတာပါ။ ကျွန်တော့်ကို ဝင်းဦးပုံစံလေး နှုတ်ခမ်းမွေးကအစ အန်တီနုကဖန်တီးပေးထားတာပါ။ မောင်တို့ချယ်ရီမြေဇာတ်ကားထဲကပုံစံလေး TikTok လေးရိုက်ထားပါတယ်။ ညကျမှတင်ပါတော့မယ်နော်...အသက်(၇၅)နှစ်ထိလှပနေတဲ့ဂန္ဓဝင်မင်းသမီးကြီးအန်တီနု" ဆိုပြီး ပုံလေးတွေနဲ့အတူ တင်ထားတာပဲ ဖြစ်ပါတယ် ။ ကဲ ချစ်ပရိသတ်တွေအတွက် အကယ်ဒမီမင်းသမီးကြီး ခင်သန်းနုနဲ့ ဒီဇိုင်နာမျိုးမင်းစိုးရဲ့ပုံလေးတွေကို ပြန်လည်မျှဝေပေးလိုက်ပါတယ်နော် ။

Source & Photo Credit-Myo Min Soe's FB Acc