ချစ်ရတဲ့မိသားစုနဲ့အတူ နေပြည်တော်တိရိစ္ဆာန်ဥယျာဉ်ကိုရောက်ရှိနေတဲ့ မင်းသမီးချောလေး စိုးပြည့်သဇင်

ချစ်ပရိသတ်ကြီးရေ အေးချမ်းလှပတဲ့ မျက်နှာလေးကိုပိုင်ဆိုင်ထားပြီး အေးဆေးတည်ငြိမ်စွာ ဘဝကိုဖြတ်သတ်နေတဲ့ ပြည်သူချစ်အနုပညာရှင်လေးကတော့ စိုးပြည့်သဇင်ပဲဖြစ်ပါတယ် ။ သူမက မင်းသမီး စိုးမြတ်သူဇာရဲ့ ညီမဖြစ်ပြီး အမရဲ့ အနုပညာအမွေကိုဆက်ခံကာ အနုပညာလမ်းကြောင်းမှာ အောင်မြင်မှုများစွာနဲ့ ရပ်တည်နေသူလေးလည်း ဖြစ်ပါတယ်။ ထူးချွန်ပြောင်မြောက်ပြီး ပီပြင်လှတဲ့ သရုပ်ဆောင်မှုတွေကြောင့် အကယ်ဒမီထူးချွန်ဆုကြီးကိုလည်း ထိုက်ထိုက်တန်တန်ရရှိထားသူဖြစ်တာကြောင့် သူမရဲ့ ချစ်ပရိသတ်တွေက ဂုဏ်ယူနေကြတာ အမှန်ပါပဲ။

‌စိုးပြည့်သဇင်က သရုပ်ဆောင်အပိုင်းမှာ နာမည်တစ်ခုရရှိထားတဲ့အပြင် အဆိုပိုင်းမှာလည်း ချိုသာတဲ့အသံလေးနဲ့ သီဆိုနိုင်တာကြောင့် ပရိသတ်ရဲ့ အားပေးလက်ခံမှုကို ရရှိထားကာ ကိုယ်ပိုင်သံစဥ်တွေနဲ့ အယ်လ်ဘမ် တွေလည်း ထွက်ရှိထားတာပဲဖြစ်ပါတယ်။ ဒါ့အပြင် သူမက မိဘအပေါ်သိတက်ပြီး လိမ္မာရေးခြားရှိတာကြောင့် ပရိသတ်ရဲ့ ချစ်ခင်မှုကိုသာမကပဲ အနုပညာရှင် ညီအကိုမောင်နှမ တွေကပါ ဝိုင်းဝန်းချစ်ခင်နေတာလည်းဖြစ်ပါတယ်။

မင်းသမီးချောလေး စိုးပြည့်သဇင်က မကြာသေးမီက သူမရဲ့ ဖေ့ဘွတ်စာမျက်နှာမှာ မိဘတွေနဲ့အတူ နေပြည်တော်တိရစ္ဆာန်ဥယျာဥ်ကို ရောက်ရှိနေတဲ့ ကြည်နှုးစရာ ပုံရိပ်လေးတွေကို တင်ပေးလါတာပဲဖြစ်ပါတယ်။ " ဒီနေ့နေပြည်တော်တိရိစ္ဆာန်ဥယျာဉ်မှာပေါ့နော်" ဆိုတဲ့ စာသားလေးကိုလည်း ရေးသားထားတာပါသေးတယ်။ ချစ်ပရိသတ်ကြီးအတွက် မင်းသမီးချောလေးစိုးပြည့်သဇင်တို့ နေပြည်တော်တိရိစ္ဆာန်ဥယျာဉ်မှာ ပျော်ရွှင်နေတဲ့ ပုံရိပ်လေးတွေကို ပြန်လည်မျှဝေပေးလိုက်ပါတယ်နော် ။

Source & Photo credit -Soe Pyae Thazin's FB account