သူမ လေးစားအားကျရတဲ့ဒါရိုက်တာထူးပိုင်ဇော်ဦးရဲ့ရုပ်ရှင်ကားကြီးမှာပါဝင်သရုပ်ဆောင်သွားမဲ့ စမိုင်းလ်

Music videoလေးများ၊ကြော်ငြာများနဲ့ တစ်ခတ်တခါက အနုပညာလောကမှာ နာမည်ကြီးခဲ့တဲ့မင်းသမီးချောလေးစမိုင်းလ်ကို ပရိတ်သတ်ကြီးသိကြမယ်ထင်ပါတယ်နော်။ သူမဟာ ယခုအချိန်တွင် အောင်မြင်တဲ့စီးပွားရေးလုပ်ငန်းရှင်တစ်ယောက်အနေနဲ့ပါ ရပ်တည်နေပြီး သာယာချမ်းမြေ့ဖွယ်မိသားစုဘဝလေးကို တည်ထောင်ထားသူတစ်ယောက်ဖြစ်ပါတယ်။ ဒါ့ပြင်စမိုင်းလ်ဟာ အနုပညာလှုပ်ရှားမှုတွေကိုလည်း ပြန်လည်လုပ်ဆောင်နေပြီး သမီးကြီးPortiaဟာလည်း အနုပညာအလုပ်တွေ စတင်လုပ်ဆောင်လာပြီပဲဖြစ်ပါတယ်။

စမိုင်းလ်ဟာ မကြာသေးမီကသူမရဲ့facebookစာမျက်နှာတွင် "ကိုယ့်ထက်ငယ်ပေမဲ့ကိုယ်လေးစားအားကျရတဲ့ဒါရိုက်တာနဲ့ရိုက်ရတော့မယ်ဆိုတော့" ဆိုတဲ့captionလေးနဲ့ ပုံလေးတင်ပေးလာပါတယ်။ သူမဟာ ဒါရိုက်တာထူးပိုင်ဇော်ဦးရိုက်ကူးမဲ့ Yangon In Loveဆိုတဲ့ ရုပ်ရှင်ကားကြီးမှာ တက်သစ်စအနုပညာရှင်လေးများစွာနဲ့အတူ ပါဝင်သရုပ်ဆောင်သွားမှာဖြစ်ပါတယ်။

စမိုင်းလ်တို့ဇနီးမောင်နှံဟာ စိတ်တူကိုယ်တူနဲ့ စီးပွားရေးဘက်မှာရော ကုသိုလ်ရေးဘက်မှာပါအားတက်သရောလုပ်ဆောင်ကြတဲ့နှစ်ဦးဖြစ်ပါတယ်။ ပရိတ်သတ်ကြီးရော သူတို့မိသားစုလေးကိုချစ်ကြတယ်မလား။ Yangon In Loveရုပ်ရှင်ကားကြီးမှာ ပါဝင်သရုပ်ဆောင်သွားမဲ့ စမိုင်းလ်ရဲ့ပုံရိပ်တွေကို ပရိတ်သတ်တွေအတွက် မျှဝေပေးလိုက်ပါတယ်နော်။

Source-စမိုင်းလ် Smile's Facebook acc

Photo Credit-စမိုင်းလ် Smile's Facebook acc