ညီမလေးနဲ့အတူ ရုပ်ပြောင်လေးတွေလုပ်ပြီး Tik Tok ကစားပြလိုက်တဲ့ ယွန်းဝတီလွင်မိုးရဲ့ချစ်စရာဗီဒီယိုလေး

ကြော်ငြာမင်းသမီးချောလေး ယွန်းဝတီလွင်မိုးကတော့ ငယ်ငယ်လေးကတည်းက ပရိသတ်တွေရဲ့ချစ်ခင်အားပေးမှုများစွာကို ရရှိခဲ့သူလေးပဲ ဖြစ်ပါတယ်။ ဖေဖေဖြစ်သူ မင်းသားကြီးလွင်မိုးရဲ့ အနုပညာအမွေတွေကို ဆက်ခံထားတဲ့ ယွန်းဝတီလွင်မိုးကတော့ အိမ်ထောင်ကျပြီး သားလေးတစ်ယောက်ပိုင်ဆိုင်ထားရပြီလည်း ဖြစ်ပါတယ်။ သြစတေးလျမှာ ပညာသွားရောက်သင်ကြားခဲ့တဲ့ ယွန်းဝတီလွင်မိုးက အခုတော့ မြန်မာနိုင်ငံကိုပြန်လာပြီး အနုပညာအလုပ်တွေကို ပြန်လည်လုပ်ကိုင်နေတာ ဖြစ်ပါတယ်။

လက်ရှိမှာဆိုရင် ယွန်းဝတီလွင်မိုးက ပိုင်တံခွန်၊ကောင်းမြတ်စံ၊ ဖွေးဖွေးတို့နဲ့အတူ ပထမဆုံးရုပ်ရှင်ဇာတ်ကားကြီးကို စတင်ရိုက်ကူးတော့မှာ ဖြစ်ပါတယ်။ မကြာသေးခင်ကတော့ ယွန်းဝတီလွင်မိုးတစ်ယောက် မိသားစုနဲ့အတူ ငပလီကမ်းခြေကို အပန်းဖြေခရီးလေးထွက်ခဲ့ပါသေးတယ်။ ကမ်းခြေမှာအနားယူအပန်းဖြေခဲ့တဲ့ ယွန်းဝတီလွင်မိုးက ညီမလေးယွန်းနဒီလွင်မိုးနဲ့အတူ ချစ်စရာကောင်းတဲ့ Tik Tok ဗီဒီယိုလေးတွေလည်း ရိုက်ကူးခဲ့တာ ဖြစ်ပါတယ်။

ယွန်းဝတီလွင်မိုးတို့ညီအစ်မနှစ်ယောက်က အခုလတ်တလော Tik Tok မှာရေပန်းစားနေတဲ့သီချင်းလေးနဲ့ ဗီဒီယိုလေးကို ရိုက်ကူးခဲ့တာပဲ ဖြစ်ပါတယ်။ ရုပ်ပြောင်လေးတွေလုပ်ပြီး Tik Tok ကစားထားတဲ့ ယွန်းဝတီလွင်မိုးတို့ညီအစ်မကတော့ တစ်ယောက်တစ်မျိုးစီ ချစ်ဖို့ကောင်းနေတာ ဖြစ်ပါတယ်။ ကဲ ချစ်ပရိသတ်တွေအတွက် ယွန်းဝတီလွင်မိုးနဲ့ ယွန်းနဒီလွင်မိုးရဲ့ ချစ်စရာဗီဒီယိုဖိုင်လေးတွေကို ပြန်လည်မျှဝေပေးလိုက်ပါတယ်နော်။

Source & Video Credit-Yunwlm's Tik Tok Acc