တင်ဆက်မှုတွေက မရိုးအောင် မတူညီတဲ့အနုပညာတွေက် ချပြသွားဖို့ စီစဉ်နေတယ်ဆိုတဲ့ ဂျိုကာ

အမြဲအခွီပုံစံလေးတွေ ရယ်စရာဟာလေးတွေနဲ့အတူ ပရိသတ်တွေရဲ့ အားပေးချစ်ခင်မှုတွေကို အခိုင်အမာရရှိထားသူကတော့ အဆိုတော်ရဲလေးရဲ့ညီဖြစ်တဲ့ သရုပ်ဆောင် ဂျိုကာပဲ ဖြစ်ပါတယ်နော်..။

သဘာဝကျကျလေးနဲ့ ရယ်စရာလေးတွေကို ဖန်တီးတတ်သူမို့ မိန်းကလေးပရိသတ် ယောကျ်ားလေးပရိသတ်တွေ မရွေးချစ်ခင်ကြသလို Tik Tok ဗီဒီယိုဖိုလေးတွေနဲ့လည်း ပရိသတ်တွေကို အကြိုက်တွေ့ သဘောကျစေသူလည်း ဖြစ်ပါတယ်နော်..။

ဂျိုကာကတော့ လတ်တလောမှာ အနုပညာအလုပ်တွေကိုလည်း ဆက်တိုက်လုပ်ဆောင်နေပြီး ရဲလေးနဲ့အတူ သီချင်းတွေလည်း သီဆိုဖျော်ဖြေနေသလို ရုပ်ရှင်ဇာတ်ကားကြီးတွေနဲ့ ဇာတ်လမ်းတွဲတွေလည်း ရိုက်ကူးနေကာ မကြာခင်မှာ ရုံတင်ပြသတော့မယ့် “ပလေယာ” ရုပ်ရှင်ဇာတ်ကားကြီးမှာလည်း အခွီလေး မြင်တွေ့ရဦးမှာပါနော်..။

အစ်ကိုဖြစ်သူရဲလေးနဲ့အတူ ပရိသတ်တွေကို မတူညီတဲ့ အနုပညာတွေချပြဖို့ စီစဉ်နေသလို တင်ဆက်မှုတွေကိုလည်း အမြဲတမ်းမရိုးအောင် တင်ဆက်သွားဖို့ ရှိတဲ့အကြောင်းလေးတွေကိုလည်း ပြောပြလာပါတယ်နော်..။

ညီအစ်ကိုနှစ်ယောက်က သူငယ်ချင်းပေါင်း ဘော်ဒါပေါင်း ပေါင်းကြတာမို့ တော်တော်လေး အတွဲညီကြကာ ညီအစ်ကိုတွေ တွဲလုပ်ရတာလည်းရှိသလို ခွဲပြီးလုပ်ရတာလည်းရှိပြီး တစ်ယောက်တည်းသီချင်းတွေကတော့ မလာသေးပေမယ့် လုပ်ဖို့ရှိပါတယ် ဆိုပြီးတော့လည်း ပြောပြထားပါသေးတယ်..။

ရုပ်ရှင်ဇာတ်ကားကြီးတွေနဲ့ ဇာတ်လမ်းတွဲတွေဘက်မှာ အားထည့်ဖြစ်နေပြီး အခုနောက်ပိုင်းမှာ Tik Tok တွေ သိပ်မဆော့ဖြစ်တဲ့အကြောင်းလေးတွေကိုလည်း ပြောပြထားသေးတဲ့ ဂျိုကာရဲ့ ဗီဒီယိုဖိုင်လေးကိုလည်း တင်ဆက်ပေးလိုက်ပါတယ်နော်..။

Photo Credit - Wai Yan Tun Min’s Facebook Account