အိမ်ကိုလာရောက်ပြီးကပြဖျော်ဖြေတဲ့ တရုတ်နဂါးအကအဖွဲ့ကို ပိုက်ဆံတွေအများကြီးကြဲပြီး ဆုချခဲ့တဲ့စမိုင်းလ်တို့မိသားစု

ပရိသတ်တွေရဲ့အချစ်တော်လေးတစ်ယောက်ဖြစ်တဲ့ စမိုင်းလ်ကတော့ အနုပညာအလုပ်တွေကိုအနည်းအကျဉ်းသာလုပ်ဆောင်နေပေမယ့် ပရိသတ်တွေနဲ့မဝေးကွာသွားဘဲ ပရိသတ်တွေရဲ့မေတ္တာကိုခံယူနေတာဖြစ်ပါတယ်။စမိုင်းလ်က ဘာသာရေးလည်းအရမ်းကိုင်းရှိုင်းတာကြောင့် သူမကိုယ်တိုင်လည်း အဓိဌာန်တွေဝင်သလို သူမကိုချစ်တဲ့ပရိသတ်တွေကိုလည်း အဓိဌာန်ဝင်ဖို့တိုက်တွန်းပြီး အစစအရာရာကိုကူညီထောက်ပံ့ပေးတဲ့သူပါနော်။စမိုင်းလ်ရဲ့စိတ်ထားလေးက မွန်မြတ်ဖြူစင်တာကြောင့် လူအများရဲ့ချစ်ခင်အားပေးမှုတွေကို တစ်ခဲနက်ရရှိပိုင်ဆိုင်နေတာဖြစ်ပါတယ်။

စမိုင်းလ်တို့မိသားစုလေးယောက်လုံးက ဘယ်အရာမဆိုတက်ညီလက်ညီရှိကြပြီး စိတ်တူကိုယ်တူရှိကြလို့ အရမ်းပျော်ရွှင်စရာကောင်းတဲ့မိသားစုလေးပါ။စမိုင်းလ်ရဲ့ချစ်ခင်ပွန်းကလည်း မိသားစုအပေါ်မှာ လုံခြုံနွေးထွေးတဲ့မေတ္တာတရားတွေကိုပေးပြီး စောင့်ရှောက်ပေးတဲ့အိမ်ထောင်ဦးစီးကောင်းတစ်ယောက်ဖြစ်လို့ စမိုင်းလ်ရဲ့မိသားစုဘဝလေးကအရမ်းသာယာပါတယ်နော်။အလှူအတန်းတွေလည်းအများအပြားလုပ်တဲ့ စမိုင်းလ်တို့မိသားစုလေးကို ပရိသတ်တွေကအရမ်းချစ်ကြပြီးအားကျနေရတာဖြစ်ပါတယ်။

အခုဆိုရင်လည်း စမိုင်းလ်တို့မိသားစုက တရုတ်နှစ်သစ်ကူးအတွက် အိမ်ကိုလာရောက်ပြီး ကပြဖျော်ဖြေတဲ့ တရုတ်နဂါးအကအဖွဲ့ကို မိသားစုဝင်တွေအကုန်လုံးအားပေးကြည့်ရှု့ခဲ့ကြတာဖြစ်ပါတယ်။စမိုင်းလ်က"တရုတ်တော့မဟုတ်ပေမဲ့ တကယ်ကြိုးစားပြီးတော်တဲ့ကလေးတွေကိုအိမ်မှာလာရောက်ကပြဖျော်ဖြေစေခဲ့တယ်။ တကယ်ကြိုးစားပြီးတော်တဲ့ မိုးနဂါးအဖွဲ့ပါ"ဆိုပြီး အရမ်းတော်တဲ့အကအဖွဲ့ကို အိမ်အပေါ်ထပ်ကနေပြီး ပိုက်ဆံတွေလည်းကြဲပြီး ဆုချခဲ့တဲ့ဗီဒီယိုဖိုင်လေးကို ချစ်ပရိသတ်ကြီးအတွက်ပြန်လည်မျှဝေပေးလိုက်ပါရစေနော်။

Source&Photo Credit:စမိုင်းလ် Smile's Facebook Page

Video Credit:စမိုင်းလ် Smile's Facebook Page

Video Credit:စမိုင္းလ္ Smile's Facebook Page