သရုပ်ဆောင် မင်းသားချော အောင်ရေချမ်းကတော့ ယောက်ျားပီသပြီး တည်ကြည်ခန့်ညားတဲ့ ရုပ်ရည်မျိုးကို ပိုင်ဆိုင်ထားတဲ့ မင်းသားတစ်လက် ဖြစ်ပါတယ်။ MRTV-4 ဇာတ်လမ်းတွဲလေးတွေနဲ့ လူသိများအောင်မြင်ခဲ့တဲ့ အောင်ရေချမ်းက "ရသမော်ကွန်း အလင်္ကာ၊ ပျားရည်အိုင်၊ ကျွန်မကမဟေသီ" စတဲ့ဇာတ်လမ်းတွဲလေးတွေကို ရိုက်ကူးခဲ့တာ ဖြစ်ပါတယ်။
လက်ရှိမှာတော့ အောင်ရေချမ်းက ဝါရင့်သရုပ်ဆောင်တွေဖြစ်ကြတဲ့ မင်းသား ခန့်စည်သူ၊ မင်းသမီး ခိုင်သင်းကြည်တို့နဲ့အတူ "ဆူးပန်းခွေ သွယ်ဘယက်နှင့် ပေရွက်လိပ် နားတောင်းဆင်" ဆိုတဲ့ ဇာတ်လမ်းတွဲလေးကို ရိုက်ကူးနေရတာ ဖြစ်ပါတယ်။ အခုလည်း အောင်ရေချမ်း ခရီးသွားရင်း ကားပေါ်မှာ အပျော်တမ်းဆော့ကစားထားတဲ့ Tik Tok ဗီဒီယိုလေးကို မျှဝေထားပါတယ်။
အောင်ရေချမ်းက " ခရီးသွားရင်းပျော်ဆော့ကြ မန္တလေးမှာတွေ့ကြမယ်" ဆိုပြီး သူငယ်ချင်းတွေနဲ့ ပျော်ပျော်ပါးပါး စနောက်ဆော့ကစားထားတဲ့ Tik Tok ဗီဒီယိုလေးကို မျှဝေလိုက်တာ ဖြစ်ပါတယ်။ အောင်ရေချမ်းတို့သူငယ်ချင်းတစ်စုက အရက်ပုလင်းလေးတွေကိုင်ပြီး အခွီပုံစံလုပ်ပြခဲ့ကြတာ ဖြစ်ပါတယ်။ ကဲ ချစ်ပရိသတ်တွေအတွက် အောင်ရေချမ်းတို့သူငယ်ချင်းတစ်စုရဲ့ အခွီတလိုင်း Tik Tok ဗီဒီယိုလေးကို ပြန်လည်မျှဝေပေးလိုက်ပါတယ်နော်။
Photo & Video Credit-Aung Yay Chan's FB;
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
