ဇာတ်သဘင်လောကရဲ့ နာမည်ကျော်တစ်ဦးဖြစ်တဲ့ ဇာတ်မင်းသား ဖိုးချစ်ကတော့ ဒီနေ့ မေလ တစ်ရက်နေ့မှာ စေ့စပ်မင်္ဂလာပွဲ ပြုလုပ်လိုက်ပြီဖြစ်ကြောင်း သတင်းများ ထွက်ပေါ်လာခဲ့ပါတယ်။ ရုပ်ရည်ချောမော ပြေပြစ်ပြီး အနုပညာအရည်အချင်း ပြည့်ဝတဲ့ မင်းသား ဖိုးချစ်က အားပေးသူ ပရိသတ်တွေ အမြောက်အများကို ပိုင်ဆိုင်ထားတာ ဖြစ်ပါတယ်။ ဒါကြောင့် ပရိသတ်တွေကြားမှာ ဖိုးချစ်တစ်ယောက် စေ့စပ်လိုက်ပြီဆိုတဲ့ သတင်းက အရမ်းကို နာမည်ကြီးနေတာ ဖြစ်ပါတယ်။

ထွက်ပေါ်လာတဲ့ ဓာတ်ပုံများနဲ့ သတင်းများအရ ဇာတ်မင်းသား ဖိုးချစ်နဲ့ သူရဲ့ချစ်သူကောင်မလေးတို့က ကရင်ပြည်နယ်၊ လှိုင်းဘွဲ့မြို့လေးမှာ စေ့စပ်လိုက်တာဖြစ်တယ်လို့ သိရပါတယ်။ လူကြီးစုံရာရှေ့မှာ ချစ်သူနဲ့စေ့စပ်ပွဲ ပြုလုပ်နေတဲ့ ဖိုးချစ်ရဲ့ ပုံရိပ်လေးတွေကလည်း အရမ်းကို ကြည်နူးစရာကောင်းနေတာ ဖြစ်ပါတယ်။ ဒါ့အပြင် ဖိုးချစ်ရဲ့ ချစ်သူလေးက ကရင်တိုင်းရင်းသူလေးတစ်ဦးဖြစ်တယ်လို့လည်း ပရိသတ်တစ်ချို့က မျှဝေထားပါတယ်။

ဖိုးချစ်တို့စုံတွဲက အပြာရောင် မြန်မာဝတ်စုံလေးတွေဆင်တူနဲ့ ရိုးရှင်းပြီး ကျက်သရေရှိတဲ့ စေ့စပ်မင်္ဂလာပွဲလေးကို ဆင်နွှဲခဲ့ကြတာ ဖြစ်ပါတယ်။ '' ဇာတ်မင်းသားလေးဖိုးချစ် လှိုင်းဘွဲမြို့မှာ 1/5/19 နံနက်ပိုင်း စေ့စပ်ပွဲ အခမ်းအနား'' ဆိုပြီး ထွက်ပေါ်လာတဲ့ပုံလေးတွေအရ သိရပါတယ်။ ကဲ ချစ်ပရိသတ်တွေအတွက် ဒီနေ့မနက်မှာ စေ့စပ်လိုက်တဲ့ ဇာတ်မင်းသား ဖိုးချစ်ရဲ့ပုံရိပ်တွေကို တင်ဆက်ပေးလိုက်ပါတယ်နော်။

Source: YE Tun & Phoe Chit;

Credit;

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။