ကျွန်မအချစ်ဆုံးယောကျာ်းသုံးယောက် ဇာတ်ကားပြပွဲကို ဆင်တူဖက်ရှင်နဲ့တက်ရောက်လာခဲ့တဲ့ ပြေတီဦးနဲ့ အိန္ဒြာကျော်ဇင်

လာမယ့် မတ်လ ၁၅ ရက်နေ့မှာ ရုံတင်ပြသမယ့် " ကျွန်မအချစ်ဆုံး ယောကျာ်းသုံးယောက် " ဇာတ်ကားရဲ့ Press Show ပွဲကို ပြေတီဦးနဲ့ အိန္ဒြာကျော်ဇင်တို့ ဇနီးမောင်နှံနှစ်ယောက် အနက်ရောင်ဖက်ရှင် ဆင်တူနဲ့ တက်ရောက်လာခဲ့ကြတာပဲဖြစ်ပါတယ်။ နေနဲ့လ ရွှေနဲ့မြ လိုက်ဖက်လွန်းတဲ့ သူမတို့နှစ်ယောက်က ပျော်ရွှင်စရာကောင်းတဲ့ မိသားစုဘဝလေးကို တည်ဆောက်ထားပြီး ချစ်စရာကောင်းတဲ့ သားနဲ့သမီးကို လည်း ပိုင်ဆိုင်ထားပါသေးတယ်။ 

" ရင်ဘတ်ထဲကဓား " ဇာတ်ကားနဲ့ အကယ်ဒမီရရှိခဲ့တဲ့ အူဝဲတစ်ယောက် ဒီဇာတ်ကားနဲ့လည်း အကယ်ဒမီရရှိစေဖို့ သူမရဲ့ပရိသတ်တွေက မျှော်လင့်နေကြတာပဲဖြစ်ပါတယ်။ ဒီပွဲလေးမှာ သူမရဲ့ပရိသတ်တွေက ဇာတ်ကားရဲ့နာမည်နဲ့လိုက်ဖက်တဲ့ ပန်းချီကားတစ်ချပ်ကိုလည်း လက်ဆောင်အဖြစ် ပေးခဲ့ပါသေးတယ်။ သူမရဲ့ဘဝမှာ အချစ်ဆုံးယောကျာ်းသုံးယောက်ဖြစ်တဲ့ " ဖခင် " " ခင်ပွန်း " နဲ့ သားဖြစ်သူတို့ရဲ့ ပုံရိပ်လေးကို ခဲပန်းချီဆွဲပြီး လက်ဆောင်ပေးအပ်ခဲ့တာပဲဖြစ်ပါတယ်။

သူမတို့ဇနီးမောင်နှံနှစ်ယောက်ရဲ့ အတူတူကြိုးစားပုံဖော်ခဲ့ကြတဲ့ ဇာတ်ကားပြပွဲကို တက်ရောက်လာတဲ့ ပုံရိပ်လေးတွေကို လူမှုကွန်ယက်မှာဝေမျှလိုက်တာပဲဖြစ်ပါတယ်။ ယနေ့ထက်တိုင် တစ်ယောက်နဲ့ တစ်ယောက် အချစ်မပြယ်ပဲ တွဲလက်တွေခိုင်ခိုင်မြဲပြီး ပွဲတက်တိုင်းအတူတူ မောင်တစ်ထမ်း မယ်တစ်ရွက်နဲ့ မိသားစုဘဝလေးကို သာယာစိုပြေအောင် ဆောင်ရွက်နေကြတဲ့ ဒိတ်ဒိတ်ကြဲသရုပ်ဆောင်နှစ်ဦးရဲ့ ပွဲတက်ပုံရိပ်တွေကို ပရိသတ်ကြီးအတွက် တင်ဆက်ပေးလိုက်ပါတယ်နော်။

Photo - Eaindra Kyaw Zin