သူထူးစံနဲ့ ထိုက်စုဝင်းတို့စုံတွဲရဲ့ မင်္ဂလာဧည့်ခံပွဲကြီးကို တက်ရောက်ချီးမြှင့်ခဲ့ကြတဲ့ ထွန်းထွန်းတို့ သူငယ်ချင်းတစ်စု

အဆိုတော်၊ သရုပ်ဆောင် ထွန်းထွန်းကတော့ ယနေ့မှာ ကျင်းပပြုလုပ်ခဲ့တဲ့ မင်းသားချော သူထူးစံနဲ့ မင်းသမီးချောလေး ထိုက်စုဝင်းတို့စုံတွဲရဲ့ မင်္ဂလာပွဲလေးကို တက်ရောက်ချီးမြှင့်ခဲ့ပါတယ်။ ဖေဖော်ဝါရီလ ၂၂ ရက်နေ့၊ ရန်ကုန်မြို့ရှိ Novotel Hotel မှာ ကြီးကျယ်ခမ်းနားစွာ ကျင်းပပြုလုပ်ခဲ့တဲ့ သူထူးစံတို့စုံတွဲရဲ့ မင်္ဂလာပွဲလေးကိုတော့ ပြည်သူချစ်အနုပညာရှင်တွေ စုံစုံလင်လင် တက်ရောက်လာခဲ့ကြတာလည်း ဖြစ်ပါတယ်။

ရုပ်ရှင်သရုပ်ဆောင်တွေဖြစ်ကြတဲ့ သူထူးစံနဲ့ ထိုက်စုဝင်းတို့ စုံတွဲလေးက နေနဲ့လ ၊ ရွှေနဲ့မြလို လိုက်ဖက်ညီစွာနဲ့ ကျက်သရေရှိတဲ့ မင်္ဂလာဧည့်ခံပွဲကြီးကို ဆင်နွှဲခဲ့ကြတာ ဖြစ်ပါတယ်။ ရတနာပုံခေတ်က ရှေးမြန်မာတို့ရဲ့ အပြင်အဆင်၊ အဆောင်အယောင်တွေအတိုင်း ရှေးဆန်စွာ ကျင်းပခဲ့တဲ့ သူထူးစံတို့မင်္ဂလာပွဲလေးကိုတော့ တက်ရောက်လာခဲ့တဲ့ ဧည့်ပရိသတ်တွေအားလုံးက ကောင်းချီးမင်္ဂလာပြုပေးခဲ့ကြတာလည်း တွေ့ရပါတယ်။

အခုလည်း ထွန်းထွန်းက သူတက်ရောက်ခဲ့တဲ့ သူထူးစံတို့စုံတွဲရဲ့ မင်္ဂလာပွဲက အမှတ်တရပုံရိပ်လေးတွေကို "ကိုဇော်မိုး+ညီမလေးထိုက်စုဝင်း" မင်္ဂလာပွဲလေးဆိုပြီး မျှဝေပေးခဲ့ပါတယ်။ ရွှေရောင်တွေလွှမ်းတဲ့ မင်္ဂလာပွဲလေးမှာတော့ ထွန်းထွန်း၊ စည်ဖြိုး၊ ဆုပန်ထွာတို့က သူထူးစံတို့စုံတွဲလေးအတွက် ဂုဏ်ပြုပေးခဲ့တာ ဖြစ်ပါတယ်။ ကဲ ချစ်ပရိသတ်တွေအတွက် သူထူးစံတို့မင်္ဂလာပွဲရောက် ထွန်းထွန်းတို့ သူငယ်ချင်းတစ်စုရဲ့ပုံလေးတွေကို တင်ဆက်ပေးလိုက်ပါတယ်နော်။

Source:Htin Aung Tun;

photo credit;