ဖျော်ဖြေနေရင်း ဗိုက်အရမ်းနာလွန်းခဲ့တာကြောင့် အရေးပေါ်ကုသမှုခံယူလိုက်ရတဲ့ အိုင်ရင်းဇင်မာမြင့်

အဆိုတော်အိုင်ရင်းဇင်မာမြင့်တစ်ယောက် တာချီလိတ်မြို့မှာသွားရောက်ဖျော်ဖြေနေစဉ်မှာပဲ ဗိုက်အရမ်းနာလွန်းခဲ့တာကြောင့် သူမရဲ့အဖွဲ့သားတွေက ဆေးခန်းလိုက်ပြပေးခဲ့ကြပါတယ်။ ကုတင်ပေါ်က သူမရဲ့ပုံစံလေးက တော်တော်လေးနွမ်းနယ်နေတဲ့ပုံလေးပါပဲ။ ပရိသတ်တွေကိုဖျော်ဖြေချင်တဲ့ စိတ်များနေပြီး ကိုယ့်ကျန်းမာရေးကို ဂရုမစိုက်မိတဲ့အနေအထားတစ်ခုကိုပဲ ရောက်ခဲ့သလားအိုင်ရင်းရေ။ သူမရဲ့အဖွဲ့သားတွေကတော့ ဘေးကနေ ပရိသတ်တွေအများကြီးအားပေးဖို့စောင့်နေကြောင်း အားပေးစကားပြောခဲ့ပါသေးတယ်။

Melody World မှာ ဝင်ရောက်ယှဉ်ပြိုင်ပြီးနောက်ပိုင်း ပရိသတ်တွေရဲ့အားပေးမှုကိုရရှိထားသူတစ်ယောက်လည်းဖြစ်ပါတယ်။ ဂီတလမ်းကြောင်းမှာ လျှောက်လှမ်းခဲ့တာကြာခဲ့ပြီဖြစ်ပြီး သီချင်းခွေတွေလည်းထွက်ရှိခဲ့ပါသေးတယ်။ သူမနောက်ဆုံးထွက်ရှိခဲ့တဲ့ " MAR " Album ဟာလည်း အရောင်းရဆုံး စာရင်းဝင်ဖြစ်ခဲ့ပါသေးတယ်။ တကယ့်ကိုအမိုက်စားသံစဉ်တွေကြားမှာ ပရိသတ်တွေအားလုံးစီးမောျသွားခဲ့ရပါတယ်။

သူမရဲ့ကျန်းမရေးအခြေအနေနဲ့ပက်သက်ပြီး " သီချင်းဆိုနေရင်း ဗိုက်အရမ်းနာလွန်းလွန်းလို့ ဆေးခန်းလိုက်ပြ ဂရုတစိုက်နဲ့ ပွင့်လင်းရိုးသားပီး ကူညီတက်တဲ့ တာချီလိတ်က ချစ်မမများနဲ့ဆရာကျေးဇူးကမ္ဘာပါရှင် " ဆိုပြီး ပရိသတ်တွေကို အသိပေးလိုက်တာပဲဖြစ်ပါတယ်။ စိတ်မပူနဲ့တော့နော် အခုတော့ သက်သာနေပါပြီလို့။

Photo - Irene Zin Mar Myint